აშშ-ის სახელმწიფო დეპარტამენტმა ოფიციალურად დაუჭირა მხარი უკრაინის მოთხოვნას ზაპოროჟიეს ატომური ელექტროსადგურის (ZNPP) გარშემო დემილიტარიზებული ზონის შექმნის შესახებ.

 დეპარტამენტის სპიკერის თქმით, ატომური ელექტროსადგურის ტერიტორიიდან  რუსული ჯარები დაუყოვნებლივ უნდა გავიდნენ.

 მოსკოვის მოთხოვნით, ზაპოროჟიეს ატომურ ელექტროსადგურზე არსებული მდგომარეობის განსახილველად გაეროს უშიშროების საბჭოს სხდომა გაიმართა. რუსეთი ამტკიცებს, რომ  უკრაინის საარტილერიო თავდასხმებმა შესაძლოა რადიოაქტიური კატასტროფა გამოიწვიოს.

„ატომური სადგურის მახლობლად ბრძოლა სახიფათო და უპასუხისმგებლოა. ჩვენ კვლავ მოვუწოდებთ რუსეთს, შეწყვიტოს სამხედრო ოპერაცია უკრაინის ატომურ ობიექტებთან ან მის მახლობლად და სრული კონტროლი დაუბრუნოს უკრაინას. ჩვენ  მხარს ვუჭერთ უკრაინის მოწოდებებს ატომური ელექტროსადგურის გარშემო დემილიტარიზებული ზონის შესახებ. “  - ნათქვამია სახელმწიფო დეპარტამენტის სპიკერის განცხადებაში.

 შეერთებულმა შტატებმა და  G7-ის მოკავშირეებმა მოსთხოვეს რუსეთს "დაუყოვნებლივ გადაეცა სრული კონტროლი" ZNPP-ზე უკრაინისთვის და ადგილზე ატომური ენერგიის საერთაშორისო სააგენტოს (IAEA) წარმომადგენლები შეეშვა, მაგრამ ამ წერილში  დემილიტარიზებული ზონის შექმნა ნახსენები არ იყო.

 ცნობისთვის, ზაპოროჟიეს ატომური ელექტროსადგური ყველაზე დიდია ევროპაში. სადამკვირვებლო ჯგუფის ხელმძღვანელმაგანაცხადა, რომ  რადიოაქტიური მასალების უსაფრთხოება ვდაცული არ არის.

ავტორი: ექსპრესნიუსი,

სოციალური ქსელები

ნატო რუსეთის საზღვრებთან 60 000 ჯარისკაცამდე გააძლიერებს თავის ყოფნას

ოპოზიციურმა ალიანსმა პატიმრების ოჯახებისთვის თანხების შეგროვების კამპანიის დაწყების შესახებ განაცხადა.

გვარამიამ საქართველოში ახალი საპროტესტო აქციები და „ახალი რეალური არჩევნები“ დააანონსა

ზელენსკი: უკრაინა მზადაა საქართველოსთან ორმხრივად სასარგებლო ურთიერთობებისთვის