2022-08-01 13:34:07, 1577 ნახვა

---

რუსეთის ვიცე-პრემიერი - აზოვსტალი ტექნოპარკი გახდება, მარიუპოლში პუტინის სახელობის გასართობი პარკები შეიქმნება

რუსეთის ვიცე-პრემიერმა მარატ ხუსნულინმა BBC-სთან ინტერვიუში ოკუპირებული  მარიუპოლის აღდგენის გეგმებზე ისაუბრა. 

მისი თქმით,აზოვსტალი ტექნოპარკად გადაკეთდება (რას ნიშნავს ეს, ვიცე-პრემიერმა არ დააკონკრეტა). ქალაქში ვლადიმერ პუტინის სახელობის ახალი პარკები შეიქმნება.

"რაც შეგვიძლია აღვადგინოთ, ყველაფერს აღვადგენთ. ყველაფერს, რასაც ვერ აღვადგენთ, ჩვენ ავაშენებთ.", - განაცხადა ვიცე-პრემიერმა.

ხუსნულინმა განმარტა, რომ თანხების გამოყოფა თვითგამოცხადებული DNR და LNR ტერიტორიების აღდგენისთვის  რუსეთის რეგიონების განვითარებაზე დანახარჯების შემცირების გარეშე განხორციელდება.

მარიუპოლის საკრებულოს ცნობით, ორთვიანი სასტიკი ბრძოლის შემდეგ, შენობების 90% განადგურდა, ოკუპირებულ ტერიტორიაზე დაახლოებით 150 ათასი ადამიანი დარჩა. ქალაქში ჯერ კიდევ არ არის ელექტროენერგია, წყალი და გაზი. ზოგიერთი ადამიანი კვლავ სარდაფებში ცხოვრობს და საკვებს ცეცხლზე ამზადებს.

 

 

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი