ლუგანსკის ოლქის სევეროდონეცკში რუს დამპყრობლებთან ბრძოლები უკვე მიმდინარეობს ქალაქის ინდუსტრიულ ზონაში, უკრაინელი დამცველები აკონტროლებენ მხოლოდ აზოტის ქარხნის ტერიტორიას.ამის შესახებ ინფორმაციას ლუგანსკის გუბერნატორი სერგეი გაიდაი ავრცელებს.

მისივე თქმით,  დამპყრობლები მიიწევენ ლისიჩანსკ-ბახმუტის გზატკეცილზე, მასთან ახლოს მდებარე დასახლებები მუდმივი დაბომბვის ქვეშაა.

 „უაღრესად მძიმე მდგომარეობაა ლუგანსკის ფრონტის მთელ ხაზზე. ვაცხადებთ, რომ ორკები ფართომასშტაბიან შეტევას იწყებენ ჩვენს რეგიონში, მათ დააგროვეს საკმარისი რაოდენობის რეზერვები და დღეს ხანძარია რეგიონის ყველა თავისუფალ დასახლებაში. სევეროდონეცკში ბრძოლები უკვე გრძელდება ინდუსტრიულ ზონაში, უკრაინის ჯარები აკონტროლებენ მხოლოდ აზოტის ქარხნის ტერიტორიას,"- აცხადებს გუბერნატორი.

 ამასთან, გაიდაიმ დასძინა, რომ უკრაინელი დამცველები არ არიან ალყაში და მტერს მნიშვნელოვან ზარალს აყენებენ.

ავტორი: ექსპრესნიუსი,

სოციალური ქსელები

ნატო რუსეთის საზღვრებთან 60 000 ჯარისკაცამდე გააძლიერებს თავის ყოფნას

ოპოზიციურმა ალიანსმა პატიმრების ოჯახებისთვის თანხების შეგროვების კამპანიის დაწყების შესახებ განაცხადა.

გვარამიამ საქართველოში ახალი საპროტესტო აქციები და „ახალი რეალური არჩევნები“ დააანონსა

ზელენსკი: უკრაინა მზადაა საქართველოსთან ორმხრივად სასარგებლო ურთიერთობებისთვის