მოსკოვსა და კიევს შორის ტყვეებიის გაცვლის საკითხზე საუბარი მხოლოდ ჩაბარებული უკრაინელი ბოევიკების სასამართლო პროცესის შემდეგ იქნება შესაძლებელი,- ამის შესახებ რუსეთის ფედერაციის საგარეო საქმეთა მინისტრის მოადგილემ ანდრეი რუდენკომ განაცხადა.

რუდენკოს თქმით, გაცვლის საკითხი მხოლოდ კონკრეტული პროცედურების გალის შემდეგ განიხილება.

„ყველაფერს განვიხილავთ მას შემდეგ, რაც ჩაბარებულს უკრაინელ ბოევიკებს სათანადოდ გაასამართლებენ, განაჩენს გამოუტანენ, შემდეგ შეიძლება სხვა ნაბიჯები იყოს. მანამდე ყველა საუბარი გაცვლაზე ნაადრევია“, - განაცხადა მინისტრის მოადგილემ.

გარდა ამისა, რუდენკომ აღნიშნა, რომ რუსეთი ყოველთვის მზადაა დიალოგისთვის ყველასთან, ვინც პრობლემების მშვიდობიან მოგვარებას ცდილობს. ამასთან მან ასევე კომენტარი გააკეთა, ევროკომისიის პრეზიდენტის ურსულა ფონ დერ ლაიენის განცხადებებზე, რომ რუსეთის ფედერაცია თითქოს სურსათის თემას შანტაჟის იარაღად იყენებს და რომ აუცილებელია მოსკოვთან დიალოგის შესაძლებლობების ძიება ამ პრობლემაზე.

„რუსული მხარე ყოველთვის მზად არის დიალოგისთვის ყველასთან, ვინც იბრძვის მშვიდობისთვის, ყველა პრობლემის მშვიდობიანი მოგვარებისთვის. ურსულა ფონ დერ ლაიენის განცხადებებს მის სინდისს ვტოვებ“, - დასძინა რუდენკომ.

შეგახსენებთ, რომ მანამდე რუსეთის სახელმწიფო სათათბიროში შესთავაზეს აკრძალულიყო აზოვიდან სამხედრო მოსამსახურეების გაცვლა, რომლებმაც მარიუპოლის ქარხანა „აზოვსტალი“ დატოვეს და რუს სამხედროებს ტყვეებად ჩაბარდნენ. ამაზე უკრაინულმა მხარემ აღნიშნა, რომ მებრძოლების სიცოცხლის გადარჩენის ერთადერთი გზა იყო ჩაბარება შემდგომი გაცვლით.

ავტორი: ექსპრესნიუსი,

სოციალური ქსელები

Euractiv: ევროკავშირს სურს მოლაპარაკებების დაწყება უკრაინის 18 ივნისის სამიტში ჩართვასთან დაკავშირებით.

გვარამია: ხალხისთვის ხელის შეშლას არ ვაპირებთ, როცა დაიშლებიან, მოვახდენთ სცენის მონტაჟს

NATO-ს სამეკავშირეო ოფისი: ვუერთდებით ქართველ ხალხს საქართველოს დამოუკიდებლობის დღის აღნიშვნაში

გერმანიის ელჩი: 26 მაისი სიმბოლურად გამოხატავს საქართველოს სწრაფვას თავისუფლებისა და დემოკრატიისკენ