ღამის 00:00 საათიდან კახეთის გზატკეცილზე  # 2 გზაგამტარი, ე.წ. ვარკეთილის ხიდი  გამოიცდება.

ამის შესახებ "ექსპრესნიუსს" თბილისის მერიიდან აცნობეს.

მათივე ინფორმაციით, აღნიშნულ ტერიტორიაზე ჩაიკეტება გზის ძირითადი მოძრაობის ზოლი და ავტომობილებისთვის გადაადგილება მეორეხარისხოვანი  ზოლებით იქნება შესაძლებელი. 

"ხიდის გამოცდა მთელი ღამის განმავლობაში გაგრძელდება. თავდაპირველად ნაგებობაზე განთავსდება სატვირთო მანქანები, რომელბიც შემდეგ სხვადასხვა მიმართულებით  იმოძრავებენ. პარალელურად, სპეციალისტები ხიდზე მიმდინარე პროცესებს სპეციალური ხელსაწყოებით შეამოწმებენ. გზაგამტარის გამოცდის საბოლოო დასკვნა რამდენიმე კვირაში გახდება ცნობილი", - აცხადებენ მერიაში.

გარდა ამისა, მერიის ცნობით, კახეთის გზატკეცილზე  15 თებერვლამდე კიდევ სამი გზაგამტარი გამოიცდება.  

ხიდებისა და მეტეხის გვირაბის გამოკვლევა-გამოცდის პროექტის  ფარგლებში, კვლევა უკვე ჩაუტარდა 8 ნაგებობას. კვლევის მიზანია ობიექტების მდგომარეობის დადგენა და, საჭიროების შემთხვევაში, განსახორციელებლი სარეაბილიტაციო სამუშაოებისა და მათი ღირებულების განსაზღვრა. 

კვლევითი სამუშაოებს საქართველოს ტექნიკური უნივერსიტეტის ხიდსაცდელი ცენტრი აწარმოებს. პროექტი, რომლისთვისაც დედაქალაქის ბიუჯეტიდან 397 900 ლარია გამოყოფილი, 2015 წლის მაისში დასრულდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე დიუშენის სინდრომის მქონე ბავშვებზე - სადაც შემოდის ჭარბად პოლიტიკური ელემენტი, რთულდება რაციონალური გადაწყვეტილებების მიღება

უკრაინამ განაცხადა რუსული დრონების სასწავლო ცენტრის და 65 კურსანტის განადგურების შესახებ

უკრაინამ მოითხოვა, რომ რუსეთს ჩამოერთვას გაეროს უშიშროების საბჭოში მუდმივი წევრობის უფლება მშვიდობიან მოსახლეობაზე თავდასხმების გამო

კობახიძე: ჩვენთვის კონკრეტულად ბატონი ფიშერი საერთოდ არ არის ევროპელი