2022-02-07 10:42:59, 735 ნახვა

---

გერმანიის კანცლერი: თუ რუსეთი უკრაინაში შეიჭრება, მზად ვართ გადავდგათ საჭირო ნაბიჯები - პასუხი იქნება ერთიანი

გერმანიის კანცლერი ოლაფ შოლცი აცხადებს, რომ თუ რუსეთი უკრაინაში შეიჭრება, გერმანია მზადაა, მოკავშირეებთან ერთად, ყველა საჭირო ნაბიჯი გადადგას.

როგორც გერმანიის კანცლერმა Washington Post-თან ინერვიუში განაცხადა, თუ „ჩრდილოეთ ნაკადი 2“-ს საფრთხე დაემუქრა, გერმანიის მთავრობა საკითხს ძლიერად დაუდგება.

„ჩვენ მზად ვართ ჩვენს მოკავშირეებთან ერთად გადავდგათ ყველა საჭირო ნაბიჯი. ჩვენ გვაქვს ძალიან მკაფიო შეთანხმება აშშ-ის მთავრობასთან გაზის ტრანზიტისა და ენერგეტიკული სუვერენიტეტის შესახებ ევროპაში. ჩვენ უკვე შევთანხმდით, რომ მხარს დავუჭერთ უკრაინას, რომ ინტენსიურად ვიბრძოლებთ გაზის ტრანზიტისთვის უკრაინის გავლით და ვიქნებით ძალიან ძლიერები, თუ ამ გაზის ტრანზიტს საფრთხე დაემუქრება. ასევე ნათელია, რომ მსგავს სიტუაციაში ყველა ვარიანტი მაგიდაზე დევს. გთხოვთ, გაიგოთ, რომ მე არ შევეხები რაიმე კონკრეტულს, მაგრამ ჩვენი პასუხი იქნება ერთიანი და გადამწყვეტი“, - განაცხადა კანცლერმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი