2022-02-03 10:04:08, 906 ნახვა

---

დიმიტრი პესკოვი – აშშ–ის ძალების ევროპაში გადაყვანა მტკიცებულებაა, რომ რუსეთს შეშფოთების აშკარა მიზეზი აქვს

აშშ–ის მიერ ევროპაში დამატებითი ძალების განლაგება ნიშნავს, რომ აშშ აგრძელებს დაძაბულობის ესკალაციას ევროპაში, – ამის შესახებ რუსეთის პრეზიდენტის პრესსპიკერმა, დიმიტრი პესკოვმა განაცხადა.

ამასთანავე, პესკოვმა აღნიშნა, რომ დამატებითი ჯარების გაგზავნა ადასტურებს რუსეთის მხრიდან შეშფოთების მართებულობას.

„აშშ რეალურად აგრძელებს დაძაბულობის გამყარებას ევროპაში“, – განუცხადა დიმირი პესკოვმა CNN-ის ჟურნალისტს.

მისივე თქმით, აშშ–ის ძალების ევროპაში გადაყვანა „საუკეთესო მტკიცებულებაა იმისა, რომ რუსეთს შეშფოთების აშკარა მიზეზი აქვს“.

ცნობისთვის, თეთრი სახლის ინფორმაციით, მიმდინარე კვირაში, ამერიკის შეერთებული შტატების პრეზიდენტი, ჯო ბაიდენი ევროპაში დამატებით ჯარებს გაგზავნის ად აღნიშნული გადაწყვეტილება, რუსეთის მხრიდან უკრაინაში შეჭრის საშიშროებას უკავშირდება.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი