ეროვნულ-დემოკრატიული ინსტიტუტის (NDI) მიერ გამოქვეყნებული კვლევის შედეგების თანახმად, ვაქცინის ხარისხის მიმართ შიშები კვლავ ძლიერია. 

გამოკითხულთა 38% ამბობს, რომ ვაქცინის ხარისხს არ ენდობა, 20% კი აცხადებს, რომ ვერ აიცრება ჯანმრთელობასთან დაკავშირებული პრობლემების გამო. 15% ფიქრობს, რომ ვაქცინის გარეშეც გაუმკლავდება კორონავირუსის პანდემიას, 7% კი ფიქრობს, რომ ვაქცინას სინამდვილეში სხვა მიზნები აქვს.

ამავე კვლევის მიხედვით, შეკითხვაზე, გაიკეთებენ თუ არა კორონავირუსის საწინააღმდეგო ვაქცინის ე.წ ბუსტერ დოზას, ვაქცინირებული მოქალაქეების მესამედი პასუხობს, რომ ე.წ ბუსტერის გაკეთებას არ აპირებს. 63% ამბობს, რომ ე.წ ბუსტერ დოზას გაიკეთებს, 14 ამბობს, არას, 3-მა პროცენტმა უკვე გაიკეთა, 20%-მა კი, არ იცის. 

აღნიშნული კვლევა ჩატარებულია NDI-ის დაკვეთით CRRC საქართველოს მიერ. საველე სამუშაოები 2021 წლის 7-13 დეკემბერს ჩატარდა. სატელეფონო ინტერვიუს მეთოდი ჩატარდა 2 099 დასრულებული ინტერვიუ. საშუალო ცდომილების ზღვარი არის +/- 1,3%. რესპონდენტები მარტივი შემთხვევითი შერჩევის გზით - შემთხვევით ნომერზე დარეკვის მეთოდით შეირჩნენ.

ინტერვიუები ჩატარდა ქართულ, აზერბაიჯანულ, სომხურ და რუსულ ენებზე. კვლევა საქართველოს მთლიანი მოსახლეობის წარმომადგენლობითია (ოკუპირებული ტერიტორიების გამოკლებით). გარდა ამისა, კვლევა წარმომადგენლობითია თბილისის, ურბანული და სოფლის ტიპის დასახლებებისთვის.

ავტორი: ექსპრესნიუსი,

სოციალური ქსელები

რუსული ელიტა იმედგაცრუებულია პუტინით, მისი ომით, ინტერნეტ ბლოკადებითა და ეკონომიკური დაცემით გამო

მაკრონმა ლუკაშენკოსთან მოლაპარაკებები გამართა და ბელორუსიის ომში ჩართვის „რისკების“ შესახებ გააფრთხილა

კანის კინოფესტივალის გრან-პრის მფლობელმა რეჟისორმა ზვიაგინცევმა პუტინს უკრაინაში ომის დასრულებისკენ მოუწოდა.

ევროპული კინოს ტრიუმფი კრუაზეტზე: კანის 2026 წლის ფესტივალის შედეგები