2021-07-09 14:17:09, 1281 ნახვა

---

მოსამართლე ჟურნალისტებზე მოძალადეებს - ქმედებები, რასაც გედავებიან სრული სიბნელე, სირცხვილი და უაზრობაა

ის ქმედებები, რასაც გედავებიან, არღვევს სახელმწიფოს სტაბილურობას, წარმოადგენს სრულ სიბნელეს, სირცხვილია და უაზრობა, - ასე მიმართა მოსამართლე რომან ხორავამ ტელეკომპანია „ტვ პირველის“ ჟურნალისტისა და ოპერატორის, ასევე, ტელეკომპანია „მთავარი არხის“ ოპერატორის მიმართ განხორციელებული ფიზიკური შეურაცხყოფის ბრალდებით დაკავებულებს.

როგორც მოამართლემ აღნიშნა, ის სრულად ეთანხმება ბრალდების მხარეს.

„მთელი საქართველო ადევნებდა თვალყურს, რა ხდებოდა. ის ქმედებები, რასაც გედავებიან, გარდა იმისა, რომ დანაშაულია, არღვევს სახელმწიფოს სტაბილურობას, წარმოადგენს სრულ სიბნელეს, სირცხვილია და უაზრობა. თქვენი ქმედებები უაღრესად საფრთხის შემქმნელია და უაღრესად მაღალი რისკი არსებობს ახალი დანაშაულის ჩადენის, მოწმეებზე ზემოქმედების და მიმალვის. სრულად ვეთანხმები ბრალდების მხარეს“, - განაცხადა რომან ხორავამ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი