ეკონომიკისა და მდგრადი განვითარების მინისტრი ბათუმში კონფერენციას „ახალი ტექნოლოგიები საზღვაო ინდუსტრიაში" დაესწრო.

კონფერენცია ბათუმის სახელმწიფო საზღვაო აკადემიის საწვრთნელში ცენტრში საქართველოს ინოვაციებისა და ტექნოლოგიების სააგენტოს ორგანიზებით გაიმართა და ისეთ თემებს მიეძღვნა, როგორიცაა ტექნოლოგიების დანერგვა, დასაქმების სისტემა  და ტექნოლოგიური გამოწვევები საზღვაო ინდუსტრიაში.

ნათია თურნავას თქმით, საზღვაო სფეროში ახალი ტექნოლოგიებისა და ინოვაციების დანერგვა ძალიან მნიშვნელოვანია, რათა ჩვენმა კადეტებმა და სტუდენტებმა ხარისხიანი განათლება მიიღონ.

„ვავითარებთ და ხელს ვუწყობთ ახალი ტექოლოგიების დანერგვას და შესწავლას საზღვაო სფეროში. მუდმივად მდიდრდება ბათუმის საზღვაო აკადემიის მატერიალურ-ტექნიკური ბაზა. დღეს ასევე გავხსენით საზღვაო აკადემიის საწვრთნელი აუზი, რომელიც მაღალი დონის ტრენინგებთან და სწავლებასთან არის დაკავშირებული", - აღნიშნა ნათია თურნავამ.

აკადემიის საწვრთნელი აუზის ბაზაზე წყალქვეშა ცურვის ცენტრი შეიქმნება და სტუდენტებს, მეზღვაურებსა და ინსტრუქტორებს წყალქვეშა ცურვის წვრთნებით უზრუნველყოფს. საზღვაო აკადემიის სტუდენტები სასწავლო-საცურაო პრაქტიკას შვეიცარულ კომპანია ABC Matime-ში გაივლიან.

ბათუმის საზღვაო აკადემიაში გამართულ ღონისძიებებს ეკონომიკის მინისტრთან ერთად აჭარის მთავრობის თავმჯდომარე თორნიკე რიჟვაძე ესწრებოდა

ავტორი: NS (სტატია დაფინანსებულია),

სოციალური ქსელები

ხაბეიშვილი - ქოცების ხელში დავრჩებით მანამ, სანამ არ მოვიკრებთ გამბედაობას და არ გადავალთ შეტევაზე

ქართველ მწერალთა სახლს შეუერთდებიან ჭავჭავაძის, წერეთლის, ტაბიძის და სხვათა მუზეუმები

შეავსე განაცხადი 2026 წლის მასწავლებლის ეროვნულ ჯილდოზე - პროექტის მხარდამჭერი საქართველოს ბანკია

მართვის მოწმობის მიღების წესებში ცვლილებები შევიდა