2021-06-18 10:25:06, 1762 ნახვა
მსოფლიო
მსოფლიოში კორონავირუსით გარდაცვლილთა საერთო რაოდენობამ 4 მილიონს გადააჭარბა
მსოფლიოში კორონავირუსით გარდაცვლილთა რაოდენობამ 4 მილიონს გადააჭარბა, - ამის შესახებ ინფორმაციას "როიტერსი" ავრცელებს.
სააგენტოს ცნობით, COVID-19-ით დაღუპულთა რიცხვმა ერთი წლის განმავლობაში 2 მილიონი შეადგინა, ხოლო შემდეგი 2 მილიონი მხოლოდ 166 დღეში დაფიქსირდა.
კორონავირუსით სიკვდილიანობის მაჩვენებლით მსოფლიოს პირველ ხუთეულში აშშ, ბრაზილია, ინდოეთი, რუსეთი და მექსიკა შედიან. აღნიშნულ ქვეყნებში მსოფლიოში ვირუსით გარდაცვლილთა საერთო რაოდენობის 50% მოდის.
ჯანდაცვის ექსპერტები მიიჩნევენ, რომ მსოფლიოს მასშტაბით კორონავირუსით გარდაცვლილთა სტატისტიკა ოფიციალურ მონაცემებზე ბევრად მაღალია.
ავტორი: ექსპრესნიუსი,
.png)
epn.ge (@expressnews.ge)
