გიორგი ვაშაძე მოუწოდებს ხელისუფლებას, ვაქცინასთან დაკავშირებით პირდაპირი მოლაპარაკებები კომპანიებთან დაიწყონ

„სტრატეგია აღმაშენებლის“ ლიდერი, გიორგი ვაშაძე ხელისუფლებას მოუწოდებს, რომ ვაქცინასთან დაკავშირებით პირდაპირი მოლაპარაკებები კომპანიებთან დაიწყონ.

როგორც მან პარტიის ოფისში გამართულ ბრიფინგზე განაცხადა, სამთავრობო წარმომადგენლების მხრიდან მიდის მსჯელობა, რომ თითქოს, ვაქცინა არ გვჭირდება.

„მსოფლიოს 111 ქვეყანაში დაწყებულია ფართო მასშტაბიანი ვაქცინაცია, მათ შორის ავღანეთი, ბანგლადეში, კენია და სხვა ჩვენზე გაცილებით ნაკლები ეკონომიკური განვითარების ქვეყნებში. ჩვენთან კი დღემდე, სამწუხაროდ, არც ერთი ვაქცინა არ არის შემოტანილი. კიდევ უფრო უარესია, რომ ისეთი რიტორიკა და მსჯელობა მიდის სამთავრობო წარმომადგენლების მხრიდან, რომ თითქოს ვაქცინა არ გვჭირდება. ერთი წლის წინ, როდესაც ვსაუბრობდით ტესტებთან დაკავშირებით, მთელი მთავრობა, ყველანი ერთად გამოდიოდნენ და გვიმტკიცებდნენ, რომ ტესტები საჭირო არ არის ქვეყანაში. დღეს ალბათ ყველა ხვდებით, რომ ტესტირების გარეშე ცხოვრება კორონავირუსის პირობებში წარმოუდგენელია. ახლა გამოდიან და ფაქტობრივად გვიმტკიცებენ, რომ ვაქცინაც პანაცეა არ არის, თითქოს არ სჭირდება ქვეყანას და თიქთოს არაფერი საჩქარო არ არის ვაქცინის ჩამოტანასთან დაკავშირებით.

კიდევ უფრო კატეგორიულად მიუღებელია, როდესაც გვეუბნებიან, რომ სულ რაღაც 29 000 ვაქცინა შეიძლება შემოვიდეს 10 დღეში, რომელიც ერთი თვის წინ უნდა შემოსულიყო. მერე მაისამდე უნდა ველოდოთ თურმე კიდევ რამდენიმე ათას ვაქცინას, რომელიც არაფერს არ იზამს. მივმართავ პირადად ბატონ ღარიბაშვილს, ადამიანის სიცოცხლე დგას ბეწვის ხიდზე. 3 500-ზე მეტი ადამიანი გარდაიცვალა კორონავირუსისგან, კიდევ რამდენი ადამიანის სიცოცხლე უნდა დავკარგოთ იმისთვის, რომ თქვენ გონს მოეგოთ და ელემენტარული ის ფუნქცია შეასრულოთ, რომელსაც ნებისმიერი ქვეყნის, ყველაზე მაჩანჩალა ქვეყნების ხელისუფლებებიც კი ასრულებენ. კაბინეტებიდან უნდა გამოხვიდეთ, დაიწყოთ პირდაპირი მოლაპარაკებები კომპანიებთან, ჩახვიდეთ მათ სათაო ოფისებში და დაიწყოთ ვაქცინის ჩამოტანა ქვეყანაში“, - განაცხადა გიორგი ვაშაძემ.

ავტორი: ექსპრესნიუსი,

სოციალური ქსელები

უკრაინის მასშტაბით ყოველდღე წუთიერი დუმილი გამოცხადდება

პსპ ფარმა თბილისის მუნიციპალიტეტის ბენეფიციარებს მედიკამენტებს კვირის ნებისმიერ დღეს ფასდაკლების დღეების ფასად მიაწვდის

18 ევროპარლამენტარი EU-ს მიმართავს, შეაფასონ იმედის საქმიანობა, განსაზღვრონ შესაძლო ზომები

დრონებმა რუსეთის ერთ-ერთ უდიდეს ნავთობგადამამუშავებელი ქარხანა დაბომბეს