2021-03-05 11:26:04, 451 ნახვა

---

„ნაციონალური მოძრაობის“ ოფისზე თავდასხმაში ბრალდებულების აღკვეთის ღონისძიებაზე სასამართლო დღეს იმსჯელებს

„ნაციონალური მოძრაობის“ ოფისზე თავდასხმაში ბრალდებულების სასამართლო პროცესი დღეს გაიმართება.

დღევანდელ პროცესზე დაკავებულების აღკვეთის ღონისძიებაზე იმსჯელებენ.

ბრალდების მხარე პატიმრობაში დატოვების, ხოლო დაცვის მხარე გირაოს სანაცვლოდ გათავისუფლების შუამდგომლობას დააყენებს.

დაკავებულების ადვოკატის განცხადებით, მისი დაცვის ქვეშ მყოფები წაყენებულ ბრალდებას აღიარებენ.

„ჩემი დაცვის ქვეშ მყოფები აღიარებენ ბრალს. თუმცა ბრალდების მხარეს მოტივაციაში ჩაწერილი აქვს პოლიტიკური შეუწყნარებლობა, რომელსაც ჩემი ბრალდებულები არ თანხმდებიან. მოტივს არ ეთანხმებიან, რადგან ამბობენ, რომ პოლიტიკური მოტივები არ გააჩნდათ და სიმთვრალის ნიადაგზე სპონტანურად წამოჭრილი ქმედება იყო“, - განაცხადა დაკავებულების ადვოკატმა.

შეგახსენებთ, რომ გორში, „ნაციონალური მოძრაობის“ ოფისს 4 პირი თავს 2 მარტს დაესხა.

---

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

---

დღის თემა

მთავარი თემა

ინტერვიუ - ექსკლუზივი