ნათია თურნავა - ანაკლიის პორტი კვლავ ჩვენი პრიორიტეტია, ძალიან სამწუხაროა, რომ პროექტი დაგვიანდა

2020-12-21 11:25:59, 511 ნახვა

კომენტარი

ანაკლიის პორტი კვლავ ჩვენი პრიორიტეტია, სამწუხაროა, რომ დაგვიანდა, 2020 წელს უკვე ოპერირებადი პორტი უნდა გვქონოდა, - ამის შესახებ ეკონომიკისა და მდგრადი განვითარების მინისტრობის კანდიდატმა, ნათია თურნავამ პარლამენტისთვის საკუთარი პროგრამის წარდგენისას განაცხადა.

მისივე განცხადებით, 2021 წელს მთავრობა განაახილებს ტექნიკურ-ეკონომიკურ კვლევას და აღნიშნულის საფუძველზე დაიწყებს ინვესტორებთან მუშაობას.

„ანაკლიის პორტი კვლავაც არის ჩვენი პრიორიტეტი. ძალიან სამწუხაროა, რომ ეს პროექტი დაგვიანდა, 2020 წელს ჩვენ უკვე ოპერირებადი პორტი უნდა გვქონოდა. ჩვენ მთავრობის დავალებით ამ პროექტზე მუშაობას ვაგრძელებთ. მომავალ წელს განვაახლებთ ტექნიკურ-ეკონომიკურ კვლევას და ამის საფუძველზე დავიწყებთ ინვესტორებთან მუშაობას“, - განაცხადა ნათია თურნავამ.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან