2020-12-05 13:46:04, 908 ნახვა

---

სანდრო რაქვიაშვილი - რას ნიშნავს „სახელი სჭირდება“, ზურაბ ჯაფარიძე მიდის და ახალ პარტიას აარსებს?

„ვერ გავიგეთ, რას ნიშნავს „სახელი სჭირდება“, მიდის, ახალ პარტიას აარსებს, თუ ჩვენ უნდა წავიღოთ რაღაც დოკუმენტები? - ასე ეხმაურება „გირჩის“ წევრი სანდრო რაქვიაშვილი ზურაბ ჯაფარიძის მორიგ განცხადებას.

მისი თქმით, ამ საქმეზე საჭიროა შეხვედრა და დალაპარაკება.

„ვერ გავიგეთ, რას ნიშნავს „სახელი სჭირდება“. მიდის, ახალ პარტიას აარსებს და სახელი სჭირდება, თუ ჩვენ უნდა წავიღოთ რაღაც დოკუმენტები და ის, რაც დაწერა, და თვითონ დარჩეს პარტია? ეს გაურკვეველია. გუშინაც იგივე სიტუაცია იყო, იმიტომ რომ კომუნიკაცია არ გვაქვს და სანამ შეხვედრა არ შედგება, მე ზუსტად ვერ გეტყვით ვერაფერს, რადგან შინაარსი არ მესმის ბოლომდე. ფეისბუქ ფეიჯი რასაც ნიშნავს, გასაგებია, მაგრამ სხვა ნაწილში გაუგებარია“, - აცხადებს სანდრო რაქვიაშვილი.

როგორც რაქვიაშვილი აღნიშნავს, ზურაბ ჯაფარიძის მხრიდან თანაპარტიელებთან  შეხვედრის არანაირი სურვილი არ არსებობს.

„ჩვენი მხრიდან ბევრი მცდელობაც იყო და შეთავაზებაც და იქით მხრიდან არ არის ჯერ სურვილი. ჩვენ გვინდა შევხვდეთ ყველა ვარიანტში იმიტომ, რომ დაველაპარაკოთ. რანაირი შეთანხმებაც არ უნდა იყოს, ამას სჭირდება შეხვედრა. ეს ტექნიკურადაც საჭიროა და სანამ შეხვედრა არ იქნება აზრი არ აქვს ან მაშინ, მინიმუმ, უნდა დააკონკრეტოს რას გულისხმობს“, - განაცხადა რაქვიაშვილმა.

ცნობისთვის, „გირჩის“ ლიდერი ზურაბ ჯაფარიძე სოციალურ ქსელში მორიგ განცხადებას ავრცელებს, სადაც თანაპარტიელებს ცივილიზებული გაყრისკენ მოუწოდებს და პარტიის რესურსების გაყოფას სთავაზობს.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი