ეკატერინე ტიკარაძე აცხადებს, რომ 19 წლის გოგონას გარდაცვალებაზე პასუხები, პირველ რიგში, მას ესაჭიროება

2020-12-02 12:34:23, 578 ნახვა

კომენტარი

„კითხვებზე პასუხი პირველ რიგში მესაჭიროება მე, რადგან აღარ განმეორდეს მსგავსი შემთხვევები“, - ასე გამოეხმაურა კორონავირუსით 19 წლის პაციენტის გარდაცვალებას ჯანდაცვის მინისტრმა, ეკატერინე ტიკარაძემ განაცხადა.

მისი თქმით, ყველა კითხვას გაეცემა პასუხი.

„ვუსამძიმრებ თეკლას ოჯახს. ეს ნამდვილად ტრაგიკული ფაქტი მოხდა. ამას ვერ დავტოვებთ ყურადღების გარეშე. გუშინ ჩემი დავალებით რეგულირების სააგენტოს მხრიდან შეიქმნა ჯგუფი რომელმაც მოიძია დოკუმენტაცია და მიმდინარეობს მისი შესწავლა. ისინი გააკეთებენ ამასთან დაკავშირებით განცხადებას, როგორც კი გარკვეული დასკვნები იქნება გაკეთებული, თუ რა ხარვეზების გამო მოხდა მსგავსი ლეტალური შედეგის დადგომა და ჩემი უშუალო ხელმძღვანელობით ნამდვალად გაეცემა პასუხი ყველა იმ კითხვას, რომელსაც საზოგადოება ელის და ამ კითხვებზე პასუხი პირველ რიგში მესაჭიროება მე, რადგან აღარ განმეორდეს მსგავსი შემთხვევები“, - განაცხადა ტიკარაძემ.

Patreon P მხარი დაუჭირე "ექსპრესნიუსს" →

ავტორი: ცოტნე ტალახაძე, ექსპრესნიუსის რეპორტიორი 2019 წლიდან