სასამართლოზე გალაქტიკის მასშტაბის ტყუილების კორიანტელი მოვისმინეთ, - ამის შესახებ ე.წ. კარტოგრაფების საქმეზე დაკავებული ნატალია ილიჩოვას ადვოკატმა, გიორგი მახარაძემ  საქალაქო სასამართლოს დღევანდელ სხდომასთან დაკავშირებით განაცხადა.

მისი თქმით, სასამართლომ დაუსაბუთებელი გადაწყვეტილება მიიღო.

„აღკვეთი ღონისძიება არ შეიცვალა და დარჩა პატიმრობა ძალაში. 48 საათი გვაქვს იმისთვის, რომ გავასაჩივროთ აღნიშნული გადაწყვეტილება. სასამართლომ ძალიან მოკლე განმარტება გააკეთა, რომ თითქოს დაცვის მხარეს ახალი არაფერი წარმოუდგენია, რაც არის სიცრუე. მეორე არგუმენტი ის იყო, რომ თურმე ბრალდებულებს ადრე გადაუმალავთ ან გაუნადგურებიათ რაიმე მტკიცებულება, რაც წარმოუდგენელი სიცრუეა. გალაქტიკის მასშტაბის ტყუილების კორიანტელი მოვისმინეთ“, - განაცხადა ადვოკატმა.

ცნობითვის, ე.წ. კარტოგრაფების საქმეზე დაკავებული ნატალია ილიჩოვა და ივერი მელაშვილი თბილისის საქალაქო სასამართლომ პატიმრობაში დატოვა.

ავტორი: ექსპრესნიუსი,

სოციალური ქსელები

1 ივნისის შეთავაზებები მოსწავლეებისთვის საქართველოს ბანკის sCoolApp-ში

სააკაშვილი ოპოზიციას - უნდა შევწყვიტოთ მოწკმუტუნე მხვეწნელის როლში ყოფნა

მიგრაციის დეპარტამენტის თანამშრომლებმა უცხო ქვეყნის 86 მოქალაქე საქართველოდან გააძევეს

ბრენდი, რომელიც ზრუნავს მომხმარებლებზე- აღნიშნე ბავშვთა საერთაშორისო დღე თიბისისთან ერთად