2020-10-23 18:09:09, 771 ნახვა

---

ირაკლი ნადარეიშვილი - წყალტუბოს გააჩნია ყველა წინაპირობა რომ დაიკავოს წამყვანი ადგილი საქართველოს ტურისტული დანიშნულების ადგილებს შორის

„წყალტუბოს გააჩნია ყველა წინაპირობა და უდიდესი პოტენციალი, რომ წამყვანი ადგილი დაიკავოს საქართველოს ტურისტული დანიშბულების ადგილებს შორის. ," - განაცხადა ეკონომიკისა და მდგრადი განვითარების მინისტრის მოადგილემ  ირაკლი ნადარეიშვილმა წყალტუბოს გენგეგმის  კონცეფციის საკონკურსო ხედვის პრეზენტაციის შემდეგ.

მინისტრის მოადგილის განცხადებით, ძალიან მნიშვნელოვანია, რომ ესოდენ მასშტაბური პროექტის განხორციელება მოხდეს თანმიმდევრულად, და გეგმაზომიერად, რათა მინიმუმამდე იქნას დაყვანილი ყველანაირი შეცდომა. მისი თქმით, ამ პროცესში დიდი როლი აქვს საჯაროობას, როგორც ბიზნესის, ასევე ადგილობრივი მოსახლეობასთან მიმართებაში.

„ეს პროცესი გაგრძელდება და მისი  ყველა ეტაპი იქნება გამჭვირვალე. ყველა ეტაპზე იქნება ჩართული როგორც ბიზნესი, ასევე მოსახლეობა, რომელიც საბოლოო ჯამში ყველა იმ სიკეთის და ეკონომიკური დოვლათის ბენეფიციარია, რომელსაც მოიტანს რეაბილიტირებული წყალტუბო საქართველოსთვის", -აღნიშნა ირაკლი ნადარეიშვილმა.

მინისტრის მოადგილის განცხადებით, ტურიზმის განვითარება და აღდგენა განსაკუთრებულ მნიშვნელობას იძენს პოსტ-კოვიდის პერიოდში. მისი თქმით, მნიშვნელოვანია ტურიზმის არა მხოლოდ რაოდენობრივი აღდგენა, არამედ ხარისხობრივი გაუმჯობესება, რაც გულისხმობს ახალი სერვისების შეთავაზებას და უფრო მაღალ-მხარჯველიანი ტურისტების მოზიდვას საქართველოში.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი