აზერბაიჯანისა და სომხეთის საგარეო საქმეთა მინისტრები მთიანი ყარაბაღში ჰუმანიტარული მიზნით ცეცხლის შეწყვეტის შესახებ შეთანხმდნენ. 

ამის შესახებ "რია ნოვოსტი" იუწყება.

მედიის ცნობით, ცეცხლის შეწყვეტის შესახებ შეთანხმება ძალაში 10 ოქტომბრის 12:00 საათიდან შევა.

სომხეთის, აზერბაიჯანისა და რუსეთის საგარეო საქმეთა მინისტრებს შორის მოლაპარაკებები პარასკევს მოსკოვში დაიწყო, რომელიც 10 საათი გრძელდებოდა. სომხეთის დეპარტამენტის უფროსმა ხაზი გაუსვა პუტინის როლს შეთანხმების მიღწევაში. 

შეხვედრის დასრულების შემდეგ, რუსეთის, აზერბაიჯანისა და სომხეთის საგარეო საქმეთა მინისტრების ერთობლივი განცხადება გავრცელდა, რომლის ტექსტი რუსეთის საგარეო უწყების ვებ გვერდზე გამოქვეყნდა.

„ცეცხლი 10 ოქტომბრის 12:00 საათიდან ჰუმანიტარული მიზნით შეწყდება, რომლის მიზანი „წითელი ჯვრის საერთაშორისო კომიტეტის“ შუამავლობითა და მისი რეგულაციების შესაბამისად ომის ტყვეების, სხვა დაკავებული პირების და დაღუპულების ცხედრების გაცვლაა“,- აღნიშნულია განცხადებაში.

შეგახსენებთ, რომ მთიან ყარაბაღში კონფლიქტი 27 სექტემბრიდან გამწვავდა და მას შემდეგ ყარაბაღში საბრძოლო მოქმედებები არ წყდება.

ავტორი: ექსპრესნიუსი,

სოციალური ქსელები

საპატრიარქო: შიო III სახ.დეპის წარმომადგენლებს შეხვდა, ისაუბრეს ქვეყნებს შორის ურთიერთობაზე

ჟურნალისტები, რომლებმაც პოლიციელების მხრიდან ძალადობა გადაიღეს, გამოკითხვაზე დაიბარეს

პოლიციელების მიერ ნაცემმა პაპუნა ლოცულაშვილმა წინასწარი მოთავსების იზოლატორი დატოვა

ადვოკატის ცნობით, დააკავეს მოქალაქე, რომელზეც გორში პოლიციელებმა იძალადეს