ყირგიზეთის პრეზიდენტმა სორონბაი ჟეენბეკოვმა ბიშკეკში საგანგებო მდგომარეობა გამოაცხადა.

ამის შესახებ ინფორმაციას რუსული მედია РИА Новости ავრცელებს.

ქვეყნის მეთაურმა ეს გადაწყვეტილება და საგანგებო წესები, იქ შექმნილი რთული სიტუაციის გამო მიიღო.

„მოსახლეობის სიცოცხლე საფრთხეშია, მასობრივი აქციები საშიშ ფორმას იღებს“, - აცხადებს ყირგიზეთის პრესცენტრი.

მათივე ინფორმაციით, საგანგებო მდგომარეობის გამოცხადება ემსახურება ყირგიზეთის მოსახლეობის სიცოცხლის უსაფრთხოების დაცვას.

სორობაი ჟეენბეკოვის გადაწყვეტილებით საგარეო საქმეთა მინისტრი ალმაზბეკ ოროზალიევი დედაქალაქის კომენდანტად დაინიშნა.

ბიშკეკში ასევე გამოცხადდა კომენდანტის საათი.

მოსახლეობის ზოგიერთი ნაწილისთვის აკრძალულია სახლიდან გამოსვლა. მასობრივი თავშეყრის ადგილებში ადამიანებს ევალებათ წარმოადგინონ პირადი დოკუმენტები.

ცნობისთვის, ყირგიზეთის პრეზიდენტმა რამდენიმე საათის წინ განაცხადა, რომ მზადაა, ახალი მთავრობის დამტკიცებისთანავე თანამდებობიდან გადადგეს. ქვეყანაში არეულობა მას შემდეგ დაიწყო, რაც კვირას ჩატარებული არჩევნების შემდეგ დემონსტრანტებმა საპროტესტო აქციების გამართვა  დაიწყეს.

ავტორი: ექსპრესნიუსი,

სოციალური ქსელები

Hudson Institute-ის პრეზიდენტი კობახიძეს: თქვენ ქართული ოცნება კი არა, მისი დამანგრეველი ხართ

საპატრიარქო: შიო III სახ.დეპის წარმომადგენლებს შეხვდა, ისაუბრეს ქვეყნებს შორის ურთიერთობაზე

ჟურნალისტები, რომლებმაც პოლიციელების მხრიდან ძალადობა გადაიღეს, გამოკითხვაზე დაიბარეს

პოლიციელების მიერ ნაცემმა პაპუნა ლოცულაშვილმა წინასწარი მოთავსების იზოლატორი დატოვა