დავით ბაქრაძე SIDA-ს თავმჯდომარეს ევა გიბსონ სმედბერგს შეხვდა

2015-09-15 13:39:23, 488 ნახვა

პოლიტიკა

ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა დავით ბაქრაძემ შეხვედრა გამართა საქართველოში შვედეთის საერთაშორისო განვითარების თანამშრომლობის სააგენტოს (SIDA) თავმჯდომარესთან ევა გიბსონ სმედბერგთან.

შეხვედრა მთავრობის ადმინისტრაციაში გაიმართა.

სახელმწიფო მინისტრის აპარატის ინფორმაციით, შეხვედრაზე მხარეებმა SIDA-ს დახმარების ფარგლებში მიმდინარე აქტივობები მიმოიხილეს.

საუბარი შეეხო თანამშრომლობის სამომავლო პერსპექტივებს. ამ კონტექსტში მხარეებმა ყურადღება გაამახვილეს ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის აპარატში ახლადშექმნილი სტრატეგიული კომუნიკაციის დეპარტამენტის შესაძლებლობების განვითარებასა და სამომავლო ხელშეწყობის პერსპექტივაზე.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან