პარლამენტში "ღია მმართველობის პარტნიორობის" ფარგლებში საერთაშორისო კონფერენცია გაიხსნა, სადაც უცხოელი დელეგატები და ქართველი დეპუტატები საკანონმდებლო გამჭვირვალობისა და დემოკრატიის გამჭვირვალობაზე მსჯელობენ.

როგორც პარლამენტიოს თავმჯდომარემ დავით უსუფაშვილმა ჟურნალისტებს განუცხადა, პარლამენტის მუშაობა უფრო გამჭვირვალეა, ვიდრე ოდესმე ყოფილა.

„პარლამენტის მუშაობა არის მნიშვნელოვნად უფრო გამჭვირვალე, ვიდრე ოდესმე, მაგრამ ამას კიდევ მეტი ყურადღება სჭირდება. მსოფლიოს 32 ქვეყნის პარლამენტის წარმომადგენლები არიან აქ, მათ შორის დიდი ბრიტანეთიდან, ამერიკიდან, საფრანგეთიდან და სხვა განვითარებული ქვეყნებიდან. მათი აქ ყოფნა ნიშნავს არა იმას, რომ მათი პარლამენტები გაუმჭვირვალეა, არამედ იმას, რომ ამ თემას მუდმივი ყურადღება სჭირდება, მუდმივი ყურადღება სჭირდება ყველა ქვეყანაში, მათ შორის საქართველოში", - აღნიშნა უსუფაშვილმა.

მისივე თქმით, საქართველო არის ძალიან მოხარული რომ ასეთ წარმომადგენლობით კონფერენციას მასპინძლობს, რომელიც დემოკრატიის საერთაშორისო დღეების ფარგლებში იმართება.

"საქართველო ამ პროცესის აქტიური მონაწილეა დაწყებული 2011-2012 წლებიდან. ჯერ კიდევ წინა ხელისუფლების დროს დაიწყო ამ პროცესში ჩართულობა ჩვენი მხრიდან. მოხარული ვარ, რომ ახალმა ხელისუფლებამ ეს პროცესი გააგრძელა და ჩვენ ვართ მსოფლიოში მმართველო კომიტეტის წევრი. იუსტიციის სამინისტრო და მინისტრი აქტიურადაა ჩართული ამ პროცესში", - განაცხადა პარლამენტის თავმჯდომარემ.

საერთაშორისო კონფერენციას მთავრობისა და სამოქალაქო ორგანიზაციების წარმომადგენლები ესწრებიან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დიუშენის კუნთოვანი დისტროფიის მქონე ბავშვების დასახმარებლად უკვე 1 300 000 ლარი შეგროვდა - მარათონი გრძელდება

26 მაისს დაგეგმილ დიდ საპროტესტო აქციას სტუდენტებიც უერთდებიან

NYT: ტრამპის ადმინისტრაცია ისრაელს ირანთან მოლაპარაკებებში გვერდზე უდგას

ზელენსკი: უკრაინის ყოფნა ევროკავშირში სრულფასოვანი უნდა იყოს