გარდაცვლილი თამარ ბაჩალიაშვილის საქმის პროკურორ ლაშა კოტრიკაძის განცხადებით, შემთხვევის ადგილზე საგამოძიებო ექსპერიმენტი საქმეზე დანიშნული სამედიცინო ექსპერტიზის წინაშე დასმული კითხვების სრულყოფილად გადასაწყვეტად ტარდება.

მისივე განმარტებით, ექსპერიმენტით უნდა განისაზღვროს შემთხვევის ადგილზე დღის განმავლობაში, არსებული როგორც ტენიანობა, ასევე ჰაერის ტემპერატურა.

„საქმეზე დანიშნული სამედიცინო ექსპერტიზის წინაშე დასმული კითხვების სრულყოფილად გადასაწყვეტად, შემთხვევის ადგილზე ტარდება საგამოძიებო ექსპერიმენტი. საგამოძიებო ექსპერიმენტით უნდა დადგინდეს შემთხვევის ადგილზე დღის განმავლობაში, ანუ 24 საათის განმავლობაში არსებული ტემპერატურა, კერძოდ, როგორც ტენიანობა, ასევე ჰაერის ტემპერატურა. ასევე, შემთხვევის ადგილზე განთავსებულ ანალოგიური მარკისა და მოდელის ავტომობილში, დახურულ მდგომარეობაში უნდა განისაზღვროს დაწყებიდან 24 საათის განმავლობაში როგორც ტენიანობა, ასევე ჰაერის ტემპერატურა“, - განაცხადა პროკურორმა.

პროკურორის განცხადებით, აღნიშნული საგამოძიებო ექსპერიმენტი ამინდის ცვლილების გამო დაგვიანებული არ არის.

„არანაირად არ არის დაგვიანებული. იმ დროს რა ტემპერატურაც იყო, ცხადია, განსაზღვრული აქვს გამოძიებას, კონკრეტული ტემპერატურა დადგინდება და აქედან გამომდინარე განისაზღვრება ის სურათი, რაც საჭიროა სრულყოფილი სამედიცინო ექსპერტიზისთვის. რამდენად ზუსტ შედეგს მოგვცემს ექსპერიმენტი ამაზე ჯერ საუბარი ნაადრევია. დანარჩენს სამედიცინო ექსპერტიზის დასკვნა გვაჩვენებს“, - განაცხადა ლაშა კოტრიკაძემ.

ავტორი: ექსპრესნიუსი,

სოციალური ქსელები

რუსეთი სომხეთიდან ხილისა და ბოსტნეულის იმპორტს ზღუდავს

ირანის ელჩმა ყაველაშვილს თბილისის მეჩეთის მონახულების გამო მადლობა გადაუხადა

კალაძე გორში მომხდარ ძალადობაზე: ფაქტი არის ძალიან მძიმე - მნიშვნელოვანია, რომ შესაბამისმა სამსახურებმა რეაგირება მოახდინეს

კალაძე: ოპოზიციაში მიდის ბრძოლა - ვის ერქმევა მთავარი ოპოზიციური პარტია