2020-07-27 11:59:45, 17230 ნახვა

---

ამირან გამყრელიძე - ქვეყანაში არც დამშვიდების და არც განგაშის გამოცხადების საფუძველი არ არსებობს

ქვეყანაში კოვიდინფექცია ცირკულირებს, ამიტომ არც დამშვიდების და არც განგაშის გამოცხადების საფუძველი არ გვაქვს, - ამის შესახებ დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ განაცხადა.

მისივე თქმით, ქვეყანაში კოვიდინფექცია მართვადია, თუმცა საზოგადოებას მეტი ყურადღება მართებს.

„ინფექცია, ანუ კოვიდინფექცია ქვეყანაში ცირკულირებს, ამიტომ არავითარი საფუძველი იმისა, რომ დამშვიდებას მივეცეთ არა გვაქვს, არც იმის საფუძველი გვაქვს, რომ განგაში გამოვაცხადოთ. ციფრები რაც ფიქსირდება, მართვადია, მაგრამ მეტი ყურადღება გვმართებს და ის ოდნავ მოშვება რაც იგრძნობა საზოგადოებაში, დაუშვებელია, რომ არ დავიცვათ დისტანცია, არ ვატაროთ პირბადე და თავი ავარიდოთ დიდი თავშეყრის ადგილებს“, - განაცხადა ამირან გამყრელიძემ.

---

ავტორი: ელენე გვიმრაძე, ექსპრესნიუსის რეპორტიორი 2018 წლიდან

---

დღის თემა

მთავარი თემა

ინტერვიუ - ექსკლუზივი