პრემიერი - ეკონომიკაში გარკვეული პოზიტიური ნიშნები უკვე გამოჩნდა, ტურიზმის მიღმა აქტივობები აშკარად გაზრდილია

2020-07-16 11:18:03, 4876 ნახვა

კომენტარი

პრემიერ-მინისტრის, გიორგი გახარიას განცხადებით, საქართველოს ეკონომიკაში გარკვეული პოზიტიური ნიშნები უკვე გამოჩნდა და ტურიზმის მიღმა აქტივობები აშკარად გაზრდილია.

ამის შესახებ პრემიერმა მთავრობის სხდომაზე განაცხადა.

„პანდემიის, ვირუსის გავრცელების რისკების ეფექტური მართვა არის ერთადერთი შესაძლებლობა, რომ მოვახდიოთ ეკონომიკის სტაბილიზაცია შემდგომ სწრაფი აღდგენის მიზნით. რეალურად დღეს აშკარაა, რომ ჩვენ, მთავრობა და სამინისტროები ამ სტაბილიზაციისთვის უნდა მოვემზადოთ. გარკვეული პოზიტიური ნიშნები ჩვენს ეკონომიკაში გამოჩნდა და ტურიზმის მიღმა აქტივობები არის აშკარად გაზრდილი. ისევე როგორც ფინანსურ სექტორშიც, მაჩვენებლები საკმაოდ პოზიტიურია საგადასახადო შემოსავლების და მიმდინარე ანგარიშის ბალანსის თვალსაზრისით. ეს ყველაფერი არის მხოლოდ და მხოლოდ იმის შედეგი, რომ ქვეყანამ, მოქალაქეებთან ერთად მოახერხა და დღესაც ახერხებს ვირუსის ეფექტურ მართვას. “, - განაცხადა პრემიერმა.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან