საქართველოს ყოველთვის ექნება განსაკუთრებული ადგილი ჩემს გულში, - ამის შესახებ აშშ-ს წარმომადგენელი საქართველოში, ელიზაბეთ რუდი გამოსამშვიდობებელ ვიდეომიმართვაშია აცხადებს.

მისივე თქმით, აშშ გააგრძელებს საქართველოს მხარდაჭერას მომდევნო თვეების განმავლობაში.

„ძალისხმევა არ დავიშურე, რომ საქართველოს თითოეული კუთხე მომენახულებინა. გამაოცა საქართველოს მთების, ტყეებისა და მდინარეების სილამაზემ, ვნახე მზის ჩასვლა შავი ზღვის სანაპიროზე ბათუმში და მოვისმინე ბულბულის გალობა ვაშლოვანის სტეპში.

 შემიყვარდა უძველესი მელოდიები, რომლებიც საქართველოს ტრადიციების სიმბოლოა და ახალი სიმღერები რომლებიც მის ენერგიულ აწმყოს განასახიერებს. ყველაზე მეტად კი, მემახსოვრება ქართველი ხალხის სითბო და სიკეთე, საქართველოს ყოველთვის ექნება განსაკუთრებული ადგილი ჩემს გულში. გულწრფელად გისურვებთ ჯანმრთელობას, ერთიანობასა და სამართლებრივ დემოკრატიულ მომავალს“, - განაცხადა ელიზაბეთ რუდმა.

ცნობისთვის, ელისაბეთ რუდი აშშ-ს წარმომადგენელი საქართველოში სამი წლის განმავლობაში იყო.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

სოფელ წინაკვერკვეში მეწყრული პროცესები ვითარდება

ზელენსკი: მივიღეთ ცნობები, რომ რუსეთი ჩვენ წინააღმდეგ ორეშნიკის გამოყენებისთვის ემზადება

ჩეხეთის პრეზიდენტმა რუსეთს ინტერნეტთან კავშირის გათიშვა შესთავაზა.

დიუშენის კუნთოვანი დისტროფიის მქონე ბავშვების დასახმარებლად უკვე 1 300 000 ლარი შეგროვდა - მარათონი გრძელდება