შინაგან საქმეთა ყოფილი მინისტრის მოადგილის, გენერალ-მაიორ  ლევან გვაზავას ჯანმრთელობის  მდომარეობა კვლავ მძიმეა.

გვაზავას მკურნალი ექიმის კონსტანტინე მუმლაძის განცხადებით, პაციენტი რეანიმაციულ განყოფილებაში, ხელოვნურ სუნთქვაზე იმყოფება.

„ჯერჯერობით პაციენტის მდომარეობა მძიმეა.  მას გვიან  ღამით სახის არეში გაუკეთდა ოპერაცია. გვაზავა დაჭრილი იყო სახის არეში“,-განაცხადა კონსტანტინე მუმლაძემ.

ცნობისთვის, თბილისი-ტაბახმელას ავტომაგისტრალზე ნანახი იქნა სავარაუდოდ ცეცხლსასროლი იარაღიდან გასროლის შედეგად გარდაცვლილილი მამაკაცის გვამი, რომელიც ჩატარებული გამოძიების შედეგად აღმოჩნდა რეზო კალომლეწავი. ასევე დადგინდა, რომ შემთხვევის ადგილიდან ცეცხლსასროლი ჭრილობით ინგოროყვას სახელობის კლინიკაში გადაყვანილი იქნა ლევან გვაზავა.  ამ ეტაპზე ტარდება გადაუდებელი საგამოძიებო მოქმედებები. მიმდინარეობს შემთხვევის ადგილის დათვალიერება, იკითხებიან მოწმეები, დანიშნულია ყველა შესაბამისი ექსპერტიზა. გამოძიების შედეგების შესახებ საზოგადოებისთვის დამატებით გახდება ცნობილი“,-განუცხადეს „ექსპრესნიუსს“ მთავარ პროკურატურაში.  

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე: ჩვენთვის კონკრეტულად ბატონი ფიშერი საერთოდ არ არის ევროპელი

კობახიძე: ჩვენ გვინდა სხვანაირი ევროკავშირი

შსს: ჩოხატაურში ერთი პირი დაჭრეს, ის გარდაიცვალა - პოლიციამ 1 პირი დააკავა

Reuters: უკრაინული დრონების დარტყმების შედეგად რუსეთის ცენტრალურ ნაწილში თითქმის ყველა ნავთობგადამამუშავებელმა ქარხანამ მუშაობა შეაჩერა