2020-06-24 13:02:26, 1763 ნახვა

---

ხელთ მიჭირავს წერილი, სადაც ჩვენ ვხვდებით არაერთ ტყუილს - საძაგლიშვილი კუჭავას ევროპარლამენტარების მოტყუებაში ადანაშუალებს

„მთავარი არხის“ ერთ-ერთი მფლობელის, გიორგი რურუას ადვოკატი, დიმიტრი საძაგლიშვილი გამოეხმაურა საქართველოს პარლამენტის თავმჯდომარის მოადგილის, კახა კუჭავას მიერ ევროპარლამენტის წევრებისთვის გაგზავნილ წერილს.

საძაგლიშვილის განცხადებით, წერილში ვხვდებით არაერთ ტყუილს და საქართველოში ალბათ რა მკვლელობაც მომხდარა ყველაფერი დაბრალებულია ყოველგვარი საფუძვლის გარეშე გიორგი რურუას.

„მე ხელთ მიჭირავს წერილი, რომელიც საქართველოს პარლამენტის თავმჯდომარის მოადგილემ კახა კუჭავამ გაუგზავნა ევროპარლამენტის წევრებს, სადაც ჩვენ ვხვდებით არაერთ ტყუილს და საქართველოში ალბათ რა მკვლელობაც მომხდარა ყველაფერი დაბრალებულია ყოველგვარი საფუძვლის გარეშე გიორგი რურუაზე. საუბარი არის 93-94 წლებზე და მას შემდეგ დაახლოებით 10 წელი საქართველოს მოქალაქეთა კავშირი იყო ხელისუფლებაში, ხოლო 2012 წლის შემდეგ, 8 წელი უკვე "ქართული ოცნებაა" ხელისუფლებაში და არც ერთხელ კითხვაც კი არ დასმულა გიორგი რურუასთან ამ საქმეებთან დაკავშირებით“, - განაცხადა დიმიტრი საძაგლიშვილმა.

შეგახსენებთ, რომ გიორგი რურუას სასამართლო იარაღის უკანონო შეძენა-შენახვა-ტარებას ედავება.

---

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

---

დღის თემა

მთავარი თემა

ინტერვიუ - ექსკლუზივი