„რუსეთთან ჩვენ სალაპარაკო ჯერჯერობით არაფერი არ გვაქვს“, - ასე გამოეხმაურა „ნაციონალური მოძრაობის“ წევრი, გრიგოლ ვაშაძე რუსეთის შეთავაზებას, რომ აღადგინონ საპარლამენტო დიალოგი.

მისი თქმით, დიალოგი შეუძლებელია მანამდე, სანამ არ შეწყდება საქართველოს ორი რეგიონის ოკუპაცია და საქართველოდან საოკუპაციო ჯარები არ იქნება გაყვანილი.

„რუსეთს პერიოდულად უჩნდება ეს იდეები, რომ რამენაირად ეცადოს საქართველო დაიბრუნოს, ამიტომ ხან სავაჭრო წარმომადგენლობების გახსნას გვთავაზობენ, ხან საპარლამენტო ურთიერთობების აღდგენას, არ მოხდება ეს მანამდე, სანამ არ შეწყდება საქართველოს ორი რეგიონის ოკუპაცია და საქართველოდან საოკუპაციო ჯარები არ იქნება გაყვანილი. რუსეთთან ჩვენ სალაპარაკო ჯერჯერობით არაფერი არ გვაქვს“, - განაცხადა გრიგოლ ვაშაძემ.

შეგახსენებთ, რომ დღეს რუსეთის ფედერაციის საბჭოს საერთაშორისო ურთიერთობათა კომიტეტის თავმჯდომარემ, კონსტანტინ კოსაჩევმა განაცხადა, რომ რუსეთი მზადაა სრულად აღადგინოს საპარლამენტო დიალოგი უკრაინასა და საქართველოსთან.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

ზელენსკი - პუტინს უკვე სიტყვა „ურა“-ს ნორმალურად წარმოთქმაც კი არ შეუძლია, ლუღლუღებს, მაგრამ თავისი რაკეტებით მაინც საცხოვრებელ სახლებს „ამარცხებს“

რუსეთმა უკრაინის მიმართულებით 600 დრონი და 90 რაკეტა გაუშვა, მათ შორის „ორეშნიკი“

მედვედევი კიევის დაბომბვაზე - ჩვენ უნდა დავრტყმა მივიტანოთ - როგორც დღეს გავაკეთეთ და კიდევ უფრო ძლიერად

უსიკმა დაძაბულ ბრძოლაში ვერჰოვენი ნოკაუტით დაამარცხა და ჩემპიონის ტიტულები დაიცვა