მუშაობდა იქ ადამიანი, ვხედავდი და უცებ აღმოჩნდა, რომ წლების განმავლობაში მელანდებოდა, - ასე ეხმაურება „ქართული ოცნების“ ყოფილი წევრი თამარ ჩუგოშვილი პარტიის ერთ-ერთი ლიდერის, მამუკა მდინარაძის განცხადებას, რომლის თანახმადაც კოკა ყანდიაშვილს მმართველ პარტიასთან კავშირი არ ჰქონია.

როგორც ჩუგოშვილმა „ტვ პირველის“ ეთერში აღნიშნა, ყანდიაშვილს პარტიაში წლების განმავლობაში ხედავდა.

„ძალიან გაკვირვებული ვარ, ამის გარდა, ყველაფერს ველოდი, რაზეც მამუკამ ისაუბრა. მუშაობდა იქ ადამიანი, ვხედავდი და წარმოუდგენელია, სიტყვებს ვერ ვპოულობ. როცა ადამიანი მუშაობს და უცებ აღმოჩნდა, რომ მელანდებოდა წლების განმავლობაში, ამას არ ველოდი ნამდვილად. პარტია ეძებს ობიექტს, რომლისკენაც ხელს გაიშვერს მაშინ, როცა „ფეისბუქმა“ არაერთი პროსამთავრობო ანგარიში გააუქმა“, - განაცხადა თამარ ჩუგოშვილმა.

მისი თქმით, მდინარაძის განცხადებაზე მხოლოდ ერთი რამ ახსენდება, "როცა სხვის თვალში ბეწვს ეძებ და საკუთარში დირეს ვერ ხედავ".

„მამუკას შეფასებას რაც შეეხება ამ ყალბ ანგარიშებთან დაკავშირებით, მხოლოდ ერთი რამ მომდის თავში, როცა სხვის თვალში ბეწვს ეძებ და საკუთარში დირეს ვერ ხედავ. ათასობით ყალბ ანგარიშს გიუქმებენ და ეძებ, ვისკენ გაიშვირო ხელი. წარმოუდგენელია, სიტყვებს ვერ ვპოულობ“, - განაცხადა ჩუგოშვილმა.

შეგახსენებთ, რომ საპარლამენტო უმრავლესობის ლიდერმა მამუკა მდინარაძემ სპეციალურ ბრიფინგზე განაცხადა, რომ კოკა ყანდიაშვილს მმართველ პარტიასთან არანაირი ოფიციალური და არაოფიციალური კავშირი არ ჰქონია.

ავტორი: ექსპრესნიუსი,

სოციალური ქსელები

ზელენსკი - პუტინს უკვე სიტყვა „ურა“-ს ნორმალურად წარმოთქმაც კი არ შეუძლია, ლუღლუღებს, მაგრამ თავისი რაკეტებით მაინც საცხოვრებელ სახლებს „ამარცხებს“

რუსეთმა უკრაინის მიმართულებით 600 დრონი და 90 რაკეტა გაუშვა, მათ შორის „ორეშნიკი“

მედვედევი კიევის დაბომბვაზე - ჩვენ უნდა დავრტყმა მივიტანოთ - როგორც დღეს გავაკეთეთ და კიდევ უფრო ძლიერად

უსიკმა დაძაბულ ბრძოლაში ვერჰოვენი ნოკაუტით დაამარცხა და ჩემპიონის ტიტულები დაიცვა