ჯანდაცვის მინისტრმა ეკატერინე ტიკარაძემ განაცხადა, რომ მათი სურვილია ეკონომიკის გახსნის გეგმები დააჩქარონ, რათა ხელი შეუწყონ ეკონომიკის განვითარებას.

ტიკარაძის თქმით, ამ საკითხში დიდი მნიშვნელობა ენიჭება კერძო სექტორის ჩართულობასა და სოციალურ პასუხისმგებლობას.

„ასევე მნიშვნელოვანია, რომ დღესდღეობით პრემიერ-მინისტრმა ისაუბრა დეტალურად იმ ექვს გახსნის ეტაპზე, რომელიც მანვე წარადგინა. ჩვენი სურვილია, რომ ეს გახსნის გეგმები დავაჩქაროთ, რათა ხელი შევუწყოთ ეკონომიკის განვითარებას.

სწორედ ახლა დადგა ის დრო, როცა ჩვენს კერძო სექტორს ეკისრება მაღალი სოციალური პასუხისმგებლობა და თქვენ იცით, რომ ჯანდაცვის სამინისტროს შრომითი ინსპექციის სამსახური უკვე რამდენიმე დღეა მუშაობს იმისათვის, რომ ხელი შეუწყოს ბიზნესს იმისათვის, რომ მათ შეძლონ გააქტიურება და გახსნის ღონისძიებები დაჩქარება. ამისათვის საჭიროა მათი რეგისტრაცია და მათი მზაობის დაფიქსირება“, - აღნიშნა ჯანდაცვის მინისტრმა.

მინისტრი მოუწოდებს ბიზნესებს, რომ დროულად გაიარონ რეგისტრაცია, რათა ღონისძიებები შეფერხების გარეშე განხორციელდეს.

„მე მოვუწოდებ ყველას, რომ მოხდეს დროული დარეგისტრირება და დროული მომზადება იმისათვის, რომ მთავრობის მხრიდან დაგეგმილი ყველა ღონისძიება განხორციელდეს ყველანაირი შეფერხების გარეშე“, - განაცხადა ეკატერინე ტიკარაძემ.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

ზელენსკი - პუტინს უკვე სიტყვა „ურა“-ს ნორმალურად წარმოთქმაც კი არ შეუძლია, ლუღლუღებს, მაგრამ თავისი რაკეტებით მაინც საცხოვრებელ სახლებს „ამარცხებს“

რუსეთმა უკრაინის მიმართულებით 600 დრონი და 90 რაკეტა გაუშვა, მათ შორის „ორეშნიკი“

მედვედევი კიევის დაბომბვაზე - ჩვენ უნდა დავრტყმა მივიტანოთ - როგორც დღეს გავაკეთეთ და კიდევ უფრო ძლიერად

უსიკმა დაძაბულ ბრძოლაში ვერჰოვენი ნოკაუტით დაამარცხა და ჩემპიონის ტიტულები დაიცვა