თუ ვირუსის დინამიკის ასეთი ზრდა 2 კვირის განმვალობაში შენარჩუნდება, ჯანდაცვის სისტემისთვის მართვადი იქნება, - ამის შესახებ დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ განაცხადა.

როგორც მან ხაზგასმით აღნიშნა, შემზღუდავი ღონისძიებების თანდათან შემსუბუქება არ ნიშნავს ჯანდაცვის სამინისტროსა და დაავადებათა კონტროლის რეკომენდაციების იგნორირებას.

„ჩვენი სიკვდილიანობის მაჩვენებელი 1.1%-ია, რაც ერთ-ერთი დაბალია ევროპულ ქვეყნებში. მინდა გითხრათ, რომ ასეთი ზრდა დინამიკისა თუ ჩვენ ამ 2 კვირის განმავლობაში შევინარჩუნეთ, მეექვსე, მეშვიდე და მერვე კვირას, თუ იქნა ყოველდღიურად 20-ით, 30-ით ან 40-ით ზრდა, ეს ჩვენი ჯანდაცვის სისტემისთვის სრულიად მართვადია. ჩვენი კლინიკური მართვის გამოსავლები საკმაოდ კარგია. ამიტომ, ყველანაირად უნდა ვეცადოთ, რომ შევინარჩუნოთ დინამიკა. იცით, რომ მთავრობის მხრიდან წარმოდგენილია ექვს პუნქტიანი შემსუბუქების გეგმა, რომელიც უკვე ყველა ქვეყანამ შეიმუშავა. ეს ნიშნავს, რომ ის შემზღუდავი ღონისძიებები თანთადან მსუბუქდება, მაგრამ ეს არ ნიშნავს, რომ საზოგადოებრივი ჯანდაცვითი რეკომენდაციების იგნორირება მოხდეს“, - განაცხადა ამირან გამყრელიძემ.  

ავტორი: ექსპრესნიუსი,

სოციალური ქსელები

ხაბეიშვილი - ქოცების ხელში დავრჩებით მანამ, სანამ არ მოვიკრებთ გამბედაობას და არ გადავალთ შეტევაზე

ქართველ მწერალთა სახლს შეუერთდებიან ჭავჭავაძის, წერეთლის, ტაბიძის და სხვათა მუზეუმები

შეავსე განაცხადი 2026 წლის მასწავლებლის ეროვნულ ჯილდოზე - პროექტის მხარდამჭერი საქართველოს ბანკია

მართვის მოწმობის მიღების წესებში ცვლილებები შევიდა