„2008 წელს, ომის შემდეგ, ასევე,  მსოფლიო კრიზისის გამო შეიქმნა უამრავი პრობლემა,  ჩვენი მოქალაქეები და ეკონომიკური სუბიექტები საჭიროებდნენ სათანადო მხარდაჭერას სახელმწიფოს მხრიდან, თუმცა, აქ ზედმიწევნით ზუსტად არის მოყვანილი ის  ციფრები, რა ციფრებშიც აისახა სახელმწიფოს დახმარება - ეს იყო ზუსტად 0 ლარი",- ამის შესახებ საქართველოს პარლამენტის წევრმა, ირაკლი კობახიძემ განაცხადა.

დეპუტატმა ტელეკომპანია „იმედის" პირდაპირ ეთერში,  წინა ხელისუფლების 2008-2009 წლების ანტიკრიზისული გეგმა შეაფასა და  ყოფილ და მოქმედ ხელისუფლებებს შორის არსებულ განსხვავებებზე ისაუბრა. ირაკლი კობახიძემ, ასევე, კომენტარი გააკეთა იმ განცხადებაზეც, რომელიც მის სოციალურ ქსელში გამოქვეყნდა.

 „ნაციონალურ მოძრაობასთან" შედარება ბევრი არაფრის მომტანია, მაგრამ კონტრასტისთვის, ალბათ, მნიშვნელოვანია, რომ გავიხსენოთ ის, თუ როგორი იყო წინა ხელისუფლების დამოკიდებულება მოქალაქეებისადმი, ეკონომიკური სუბიექტებისადმი და როგორ შეიცვალა ეს დამოკიდებულება 2012 წლის შემდეგ. 2008 წელს, ომის შემდეგ, მათ შორის, მსოფლიო კრიზისის გამო შეიქმნა უამრავი პრობლემა, პრობლემები შეექმნათ ჩვენს მოქალაქეებს, ეკონომიკურ სუბიექტებს და ბუნებრივია, ჩვენი მოქალაქეები და ეკონომიკური სუბიექტები საჭიროებდნენ სათანადო მხარდაჭერას და დახმარებას სახელმწიფოს მხრიდან. თუმცა, აქ ზედმიწევნით ზუსტად არის მოყვანილი ის  ციფრები, რა ციფრებშიც აისახა სახელმწიფოს დახმარება - ეს იყო ზუსტად 0 ლარი და ამის შედეგები ძალიან კარგად გახსოვთ. უამრავი მშენებლობა იყო მაშინ გაჩერებული,  უამრავი ობიექტი, სასტუმრო, ტურისტული ობიექტი იყო  გაკოტრებული და გაჩერებული, იყო,  ჰქონდათ სესხები გამოტანილი ბანკებიდან და წლების განმავლობაში ვერ ახერხებდნენ ამ სესხების დაფარვას იმის გამო სწორედ, რომ სახელმწიფომ მათ ხელი არ გაუმართა. და ეს პრობლემა ჩვენ გამოგვყვა მერე წლების განმავლობაში, უწევდათ ადამიანებს საკუთარი სახლების დათმობა, ბანკები ყიდდნენ ადამიანების ქონებას და იყო უზარმაზარი პრობლემა და პრაქტიკულად, ისე გამოდიოდა, რომ მაშინდელი ხელისუფლება ამ პრობლემაში ხედავდა საკუთარ შესაძლებლობას - მათთვის მომგებიანი იყო მეტი გაჭირვებული, მეტი გაკოტრებული ეკონომიკური სუბიექტი. ეს იყო მათი დამოკიდებულება ადამიანების და ქართული ეკონომიკის მიმართ. სწორედ ეს დამოკიდებულება არის რადიკალურად შეცვლილი, ღირებულებები არის რადიკალურად შეცვლილი, და ალბათ, მნიშვნელოვანია, რომ პერიოდულად გავიხსენოთ ეს განსხვავება, რომელიც არის წინა და მოქმედ ხელისუფლებას შორის",- განაცხადა ირაკლი კობახიძემ.

ავტორი: ექსპრესნიუსი,

სოციალური ქსელები

სამთავრობო იმედის სახემ ნანუკა ხაზარაძემ ტელევიზია დატოვა

ცოტნე ივანიშვილი - არსებობს ყალბი სტერეოტიპი, თითქოს ახალგაზრდების უმეტესობა ქართული ოცნების მიმართ რადიკალურად ცუდად არის განწყობილი

დამოუკიდებლობის დღესთან დაკავშირებით 27-28 მაისამდე ქუჩების ნაწილზე მოძრაობა შეიზღუდება

ზელენსკი - პუტინს უკვე სიტყვა „ურა“-ს ნორმალურად წარმოთქმაც კი არ შეუძლია, ლუღლუღებს, მაგრამ თავისი რაკეტებით მაინც საცხოვრებელ სახლებს „ამარცხებს“