საქართველოს ჯანდაცვის მინისტრის, ეკატერინე ტიკარაძის განცხადებით, სახელმწიფო მზად არის მოწყვლადი ჯგუფების, როგორიცაა მოხუცთა თავშესაფრები, პანსიონატები სადაც შშმ პირები არიან განთავსებულნი მათი ტესტირება ხვალიდანვე დაიწყონ.

მან ასევე აღნიშნა, რომ მიუხედავად მზადყოფნისა ზუსტ თარიღს დოკუმენტური პროცედურის დასრულების შემდეგ დაასახელებენ.

„ჩვენ გვქონდა შეხვედრა ჩვენ კლინიკურ ჯგუფთან და ყველა კლინიკის ხელძღვანელთან, რომელბიც უკვე დიდი ხანია ჩართულნი არიან კოვიდ ინფექციასთან ბრძოლაში, განვიხილეთ დეტალები თუ რა შედეგბი აქვთ მათ და რა პრობლემებს აწყდებიან ისინი, როგორც პაციენტების მკურნალობის პერიოდში ასევე იმ საწოლ ფონდთან მიმართებაში, რომელიც დღეს-დღეობით არის მობილიზებული.

ამ წუთებში ჩვენ განვიხილავთ თუ რომელი იქნება შემდეგი ჯგუფი, რომელიც იქნება ჩართული გაფართოებული ტესტირების ფარგლებში და ჩვენ მივიღეთ გადაწყვეტილება, რომ მოწყვლადი ჯგუფები, მოხუცთა თავშესაფრები და პანსიონატები სადაც შშმ პირები არიან მოთავსებულები, როგორც ბავშვები ასევე მოზარდები, ჩაერთვებიან ტესტირებებში, რათა მოხდეს ამ ჯგუფების დეტალური შესწავლა და არ მოხდეს ამ იმფექციის შემთხვევით გავრცელება, რაც იქნება სარისკო ამ ჯგუფებისთვის.

რეალურად ჩვენ მზად ვართ დავიწყოთ ტესტირება ხვალიდან, მაგრამ გარკვეული დოკუმენტური პროცედურის დასრულების შემდეგ ჩვენ თარიღს ზუსტად გამოვაცხადებთ“, - განაცხადა ეკატერინე ტიკარაძე.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

სამთავრობო იმედის სახემ ნანუკა ხაზარაძემ ტელევიზია დატოვა

ცოტნე ივანიშვილი - არსებობს ყალბი სტერეოტიპი, თითქოს ახალგაზრდების უმეტესობა ქართული ოცნების მიმართ რადიკალურად ცუდად არის განწყობილი

დამოუკიდებლობის დღესთან დაკავშირებით 27-28 მაისამდე ქუჩების ნაწილზე მოძრაობა შეიზღუდება

ზელენსკი - პუტინს უკვე სიტყვა „ურა“-ს ნორმალურად წარმოთქმაც კი არ შეუძლია, ლუღლუღებს, მაგრამ თავისი რაკეტებით მაინც საცხოვრებელ სახლებს „ამარცხებს“