„თანამდებობიდან ერთი ჭიკაიძის გაშვება ვერაფერს შეცვლის, მოვა სხვა, რომელიც აბსოლუტურად იქნება შეზღუდული თავის უფლებამოსილებებში“,-ამის შესახებ „თავისუფალი დემოკრტების“ ლიდერმა ირაკლი ალასანიამ „პირველ სტუდიასთან“ საუბრისას განაცხადა.

ალასანიას თქმით, ადამიანი, რომელსაც კონკრეტულ  უწყებაში  მუშაობის  გამოცდილება არ აქვს, ვერ გაამართლებს.

„ადამიანი, რომლის ბიოგრაფია დაიწყო  ორი წლის წინ, ან იმის გამო რომ ვიღაცის ნათესავია, ის ადამიანი იმ კონკრეტულ  სფეროში ვერ გაამართლებს. ვერც ავტორიტეტს მოიხვეჭს. ეს ხდებოდა სწორედ იმ კადრებით, რომელიც ღარიბაშვილის გაპრემიერების შემდეგ მოვიდა სამართალდაცვით სტრუქტურებში ძირითადად.  ეს ბუნებრივი პროცესია.  მათ მოუწევდათ თანამდებობიდან წასვლა იმიტომ, რომ  ვერ გაართმევდნენ თავს. მთავარია, რომ  შეირჩეს სწორი სისტემა კომპეტენტური ადამიანების დანიშვნის და ეს იყოს ღია სისტემა, ჩატარდეს კონკურსები. ამ კუთხით თვითონ შინაარსი, ფილოსოფიაა შესაცვლელი. არამხოლოდ  ერთი ჭიკაიძის გაშვება თანამდებობიდან ვერაფერს შეცვლის, მოვა სხვა, რომელიც აბოსლუტურად იქნება შეზღუდული თავის უფლებამოსილებებში“,-განაცხადა ალასანიამ.

როგორც ალასანიამ აღნიშნა, ჭიკაიძეს თანამდებობა ყოფილმა პრემიერმა ბიძინა ივანიშვილმა დაატოვებინა.

„ჭიკაიძეს უნდა დაეტოვებინა თანამდებობა და დარწმუნებული ვარ, რომ დაატოვებინეს ეს თანამდებობა. ყოფილმა პრემიერმა ივანიშვილმა ისე, რომ არც კი დაელოდა ღარიბაშვილის გადაწყვეტილებას და მის დაბრუნებას ქვეყანაში, ეს სწორი გადაწყვეტილებაა უნდა ავღნიშნოთ, მაგრამ  ეს არ არის საკმარისი“,-დასძინა ალასანიამ.

შეგახსენებთ, რომ შინაგან საქმეთა მინისტრმა ალექსანდრე ჭიკაიძემ თანამდებობა დატოვა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დასაქმებულთა რაოდენობის კლება დიდწილად სოცდასაქმების პროგრამის გაჩერებას უკავშირდება - G&T

თბილისში ტრამპ თაუერის აშენება ივანიშვილის შვილის ნაწილობრივ საკუთრებაში არსებულ მიწაზე იგეგმება

დამოუკიდებლობა შენი გადაწყვეტილებაა -თიბისი - 33 წელი დამოუკიდებელ საქართველოსთან ერთად

ინტენსიურმა წვიმამ დედაქალაქის სხვადასხვა რაიონში გარკვეული პრობლემები შექმნა