"საქართველოს დასავლელი პარტნიორების რიგითი განცხადებები თავიანთი „კლიენტის“ მხარდასაჭერად არავის აოცებს", - ასე გამოეხმაურა ოკუპირებული აფხაზეთის დე-ფაქტო საგარეო უწყება ნატო-ს გენერალური მდივნის იენს სტოლტენბერგის განცხადებას, რომ „რუსეთმა აფხაზეთისა და სამხრეთ ოსეთის ე.წ. დამოუკიდებლობის აღიარება უკან უნდა წაიღოს“.

ე.წ. უწყებაში სტოლტენბერგის განცხადებას "ვაშინგტონისა და ბრიუსელის პროპაგანდისტული რიტორიკის ნაწილად" აფასებენ. 

"ამგვარი განცხადებები საქართველოს ხელმძღვანელებს მოლოდინებს უჩენს, მილიტარისტურ განწყობებს აღვივებს და ძირს უთხრის ძალისხმევას ამიერკავკასიაში მშვიდობისა და უსაფრთხოების უზრუნველყოფის კუთხით. საქართველოსა და ნატო-ს სწავლებები აფხაზეთის უსაფრთხოებისთვის გამოწვევას წარმოადგენს. მოვუწოდებთ თბილისსა და ბრიუსელს გააცნობიერონ ასეთი ქმედებების ნეგატიურობა", - ნათქვამია დე-ფაქტო საგარეო უწყების განცხადებაში. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ლავროვი საქართველოსა და მოლდოვიდან რუსული ჯარების გაყვანაზე კალასის განცხადებაზე: იდიოტურ განცხადებებს არ განვიხილავ

კალასი: ევროკავშირის უსაფრთხოების ინტერესებში საქართველოდან რუსული ჯარების გაყვანაც შედის

რუსეთი სომხეთიდან ხილისა და ბოსტნეულის იმპორტს ზღუდავს

ირანის ელჩმა ყაველაშვილს თბილისის მეჩეთის მონახულების გამო მადლობა გადაუხადა