პარლამენტის დიასპორის საკითხთა კომიტეტის თავჯდომარე თემურ ჭკუასელის განცხადებით, ის მთის მინისტრის სახელწოდებას იუმორით უყურებს. 

თუმცა, როგორც მან ჟურნალისტებს განუცხადა, ის საქართველოს რეგიონებს კარგად იცნობს და ამ უწყებასაც სიამოვნებით ჩაიბარებდა.
„ამ უწყების ამოცანებს სერიოზულად განვიხილავ. საპარლამენტო უმრავლესობაში არსებობს იდეა, რომ ასეთი დანაყოფი შეიქმნას, რომელიც მაღალმთიანი რეგიონების განვითარებაზე იმუშავებს. საქართველოს რეგიონებს ძალიან კარგად ვიცნობ და ამ უწყებასაც სიამოვნებით ჩავიბარებდი“, - აღნიშნა ჭკუასელმა. 
ცნობისთვის, გარემოსა და ბუნებრივი რესურსების დაცვის კომიტეტის თავჯდომარე გია ჟორჟოლიანი მთის მინისტრის პოსტის შექმნის ინიციატივით გამოვიდა. 
როგორც მან, დღეს, ჯანდაცვის კომიტეტის სხდომაზე განაცხადა, სადაც „მთის შესახებ“ პროექტს განიხილავდნენ, პარლამენტში შესაბამისი კანონპროექტი შემოვა, რომელიც მთის მინისტრის აპარატის შექმნას გაითვალისწინებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კალაძე გორში მომხდარ ძალადობაზე: ფაქტი არის ძალიან მძიმე - მნიშვნელოვანია, რომ შესაბამისმა სამსახურებმა რეაგირება მოახდინეს

კალაძე: ოპოზიციაში მიდის ბრძოლა - ვის ერქმევა მთავარი ოპოზიციური პარტია

ევროკავშირი რუსეთისგან მოითხოვს ცხინვალის რეგიონიდან, აფხაზეთიდან და დნესტრისპირეთიდან მისი გაყვანას

სადაზღვევო პროდუქტები თიბისის მობაილბანკში - შენი საუკეთესო ციფრული გამოცდილებისთვის