ე.წ  „ოცნების ქალაქში“ საცხოვრებელი კომპლექსის მშენებლობის პროექტირებისთვის ტენდერი გამოცხადდა.

აჭარის მთავრობის თავმჯდომარე თორნიკე რიჟვაძემ, 6 თებერვალს საგანგებო ბრიფინგზე, გაასაჯაროვა გადაწყვეტილება, რომ ე.წ. ოცნების ქალაქის მცხოვრებლებისთვის აშენდება საცხოვრებელი სახლები.

დღეს აჭარის ფინანსთა და ეკონომიკის სამინისტრომ აღნიშნული საცხოვრებელი კომპლექსის მშენებლობისთვის, სამშენებლოდოკუმენტის პროექტისა და სახარჯთაღრიცხვო დოკუმენტაციის შესყიდვის მიზნით, ელექტრონული ტენდერი გამოაცხადა.

ტენდერში გამარჯვებულმა კომპანიამ მრავალბინიანი საცხოვრებელი კომპლექსის სრულყოფილი სამშენებლო პროექტი დახარჯთაღრიცხვა, ხელშეკრულების გაფორმებიდან 90 დღეში უნდა წარმოადგინოს.

ტენდერის პირობების მიხედვით, ე.წ ოცნების ქალაქის ტერიტორიაზე სარეკრეაციო ზონა და პარკინგის სივრცე მოეწყობა.

აჭარის მთავრობამ აღნიშნული გადაწყვეტილება მოსახლეობისთვის ჯანსაღი ცხოვრების პირობების უზრუნველსაყოფად,სოციალური მდგომარეობის გაუმჯობესების მიზნით მიიღო.

დღეისათვის ე.წ. ოცნების ქალაქში საინფორმაციო ცენტრი ფუნქციონირებს, სადაც სამუშაო ჯგუფი მოქალაქეებს შესაბამისკონსულტაციებს უწევს. ადგილზევე ხდება განცხადებების მიღება და მონაცემების დამუშავება.

ელექტრონული ტენდერის შესახებ ინფორმაცია შეგიძლიათ იხილოთ ბმულზე: https://tenders.procurement.gov.ge/public/?go=294991&lang=ge&fbclid=IwAR0aVA0ktVx23Mtr4uq7B58LuR2uNkkHO6BILJZQ_PlnMU5-G75KDplJEgs

(NS)

ავტორი: ,

სოციალური ქსელები

რუსეთი სომხეთიდან ხილისა და ბოსტნეულის იმპორტს ზღუდავს

ირანის ელჩმა ყაველაშვილს თბილისის მეჩეთის მონახულების გამო მადლობა გადაუხადა

კალაძე გორში მომხდარ ძალადობაზე: ფაქტი არის ძალიან მძიმე - მნიშვნელოვანია, რომ შესაბამისმა სამსახურებმა რეაგირება მოახდინეს

კალაძე: ოპოზიციაში მიდის ბრძოლა - ვის ერქმევა მთავარი ოპოზიციური პარტია