ხარკოვში, რაიონულ სასამართლოს შენობასთან მომხდარ აფეთქებას ტერაქტის კვალიფიკაცია მიენიჭა.

ამის შესახებ უკრაინის შინაგან საქმეთა სამინისტროს პრესსამსახური იუწყება.

ინციდენტთან დაკავშირებით, უკრაინის უშიშროების სამსახურის ხელმძღვანელმა ვალენტინ  ნალივაიჩენკომ და შინაგან საქმეთა მინისტრმა არსენ ავაკოვმა ერთობლივი განცხადება გააკეთეს.

მათი თქმით, შეიქმნა ოპერატიული შტაბი, რომლის შემადგენლობაშიც უშიშროების სამსახურის, შსს-ს და პროკურატურის წარმომადგენლები შედიან.

ხარკოვში მომხდარ აფეთქებასთან დაკავშირებით,  სამართალდამაცავებმა გამოძიება უკვე დაიწყეს.

როგორც ხარკოვის ოლქის პროკურატურის პრესმდივანმა ვიტა დუბოვიკიმ განაცხადა, აფეთქების ადგილას ნაპოვნია რუსეთის სიმბოლიკიანი ნივთი, რაც გარკვეულ ეჭვებს ბადებს.

შეგახსენებთ, რომ ორშაბათს საღამოს ხარკოვში, მოსკოვის რაიონულ სასამართლოსთან  აფეთქება მოხდა, რომლის შედეგად   14 ადამიანი დაშავდა, მათგან 4 მძიმე მდგომარეობაში იმყოფება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„გახარია საქართველოსთვის“ მოსკოვსა და ცხინვალს შორის „შეთანხმების“ წინააღმდეგ რეზოლუციის ინიციატივით გამოდის

თითქოს სიღარიბის შემცირების გამო, რეჟიმი სოციალური დახმარებას გადახედავს, დავალება უწყებებმა უკვე მიიღეს

პროკურატურამ ჩოხატაურში მომხდარ მკვლელობაზე ერთ პირს ბრალი წაუყენა

კობახიძე სინდისის პატიმრებზე - სადაც იქნება აღიარება და სინანული, იქ შესაბამისი ნაბიჯები გადაიდგმება