საქართველოს ყოფილი პრეზიდენტის, მიხეილ სააკაშვილის განცხადებით, დღეს საღამოს უკრაინაში ხელისუფლების შეცვლის გეგმას გაახმოვანებს, - ამის შესახებ ოდესის ყოფილმა გუბერნატორმა კიევში უმაღლეს რადასთან მიმდინარე აქციაზე განაცხადა.

როგორც სააკაშვილმა განმარტა, ხელისუფლებას აქვს ბოლო შანსი იმისათვის, რომ აქციის მონაწილეების მოთხოვნები შეასრულოს.

„დღეს დეპუტატებს ბოლო დღე აქვთ, როდესაც ჯერ კიდევ შეუძლიათ მოთხოვნების შესრულება. თუ შემდგომშიც აჩვენებენ, რომ თქვენი აზრი არ აინტერესებთ, მაშინ საღამოს სხვა გეგმას გამოვაცხადებთ. ეს გეგმა არ შეეხება მხოლოდ 3 კანონს და ახლა არსებულ მოთხოვნებს. ჩვენი გეგმა ფოკუსირებული იქნება მხოლოდ ერთ თემაზე: კანონიერ, მშვიდობიან, მაგრამ ხელისუფლების რეალურ შეცვლაზე ყველა დონეზე“, - განაცხადა მიხეილ სააკაშვილმა.

ამასთან, ყოფილმა გუბერნატორმა მოსახლეობას მოუწოდა, საღამოს მიტინგზე მივიდნენ, რათა ძალები მოიკრიბონ და უკრაინაში ხელისუფლების შეცვლის ერთობლივი გეგმა დაამტკიცონ.

"ეს მოედანი (რადას მიმდებარე ტერიტორია) ყოველთვის სავსეა. თუ თქვენ გსურთ სხვა მაიდანები, თ გსურთ მილიონთა მარში, მაშინ თქვენ მიიღებთ მილიონთა მარშს. დღეს 18:30-ზე...", - დასძინა სააკაშვილმა.

ავტორი: ,

სოციალური ქსელები

კობახიძე: ზვიად ხარაზიშვილს ეკუთვნოდა ღირსების ორდენი, დაგვიცვა გადატრიალების მცდელობისგან

კობახიძე: დახვეწილი ხელწერაა, როცა ხელისუფლებას აქვს ჯანსაღი რეაქცია სამართალდარღვევაზე

ევროკავშირი უკრაინას თითქმის 2.8 მილიარდ ევროს გამოუყოფს

შს მინისტრის მოადგილე გორში პოლიციელების მხრიდან მოქალაქის ცემას სამწუხარო ფაქტს უწოდებს