საქართველოს შეიარაღებული ძალების გენერალური შტაბის უფროსმა, გენერალ-მაიორმა ვლადიმერ ჩაჩიბაიამ თურქეთის რესპუბლიკის შეიარაღებული ძალების გენერალური შტაბის უფროსთან ორმხრივი შეხვედრა გამართა.

თავდაცვის სამინისტროს ინფორმაციით,  გენერალ-მაიორმა ვლადიმერ ჩაჩიბაიამ გენერალ აკარ ჰულუსს ჩვენი ქვეყნის ტერიტორიული მთლიანობისა და ევროატლანტიკურ სტრუქტურებში ინტეგრაციის გზაზე მხარდაჭერისთვის მადლობა გადაუხადა.
 მან მადლიერებით აღნიშნა თურქეთის როლი და დახმარება საქართველოს შეიარაღებული ძალების აღმშენებლობის პროცესში. 

შეხვედრაზე ნატო-საქართველოს არსებითი პაკეტის პროექტების განხორციელების პროცესში თურქული მხარის აქტიურ ჩართულობასა და თურქეთის მნიშვნელოვან როლზე ისაუბრეს. 

გენერალურ შტაბში გამართულ შეხვედრაზე ქართველმა და თურქმა კოლეგებმა ყურადღება რეგიონული თანამშრომლობის მნიშვნელობაზეც გაამახვილეს და ამ კუთხით, სამმხრივ ფორმატში, საქართველო-თურქეთი-აზერბაიჯანის თანამშრომლობის საკითხებზე იმსჯელეს. 

თურქეთის გენერალური შტაბის უფროსი საქართველოში ვიზიტით საქართველოს, თურქეთისა და აზერბაიჯანის გენერალური შტაბის უფროსების შეხვედრის ფარგლებში იმყოფება.

(NS) 

ავტორი: ,

სოციალური ქსელები

ქართულ ბანკებში 70.03 მლრდ ლარის დეპოზიტებია განთავსებული

ისრაელის არმია ადასტურებს მოჰამედ ოდეჰის მკვლელობას: ის იყო ერთ-ერთი ბოლო ჰამასის მეთაური, რომელმაც მონაწილეობა მიიღო 7 ოქტომბრის ხოცვა-ჟლეტაში

MyCellfie-მ საუკეთესო მობილური აპლიკაციის ჯილდო მიიღო

„როგორ და რატომ უნდა დავიწყოთ აგრობიზნესი“ - თიბისი ბიზნესის ხუთშაბათის შეხვედრები გრძელდება