კალიფორნიის შტატში ტყის ხანძრის შედეგად დაღუპულთა რიცხვი 15-მდე გაიზარდა, - ამის შესახებ BBC იუწყება.

მედია საშუალების ინფორმაციით, ხანძარმა კალიფორნიის შტატში 1500 ობიექტი გაანადგურა. ხანძრის შედეგად 100-ზე მეტი ადამიანი დაშავდა, მათგან 12-ის მდგომარეობა მძიმეა.

მედიის ცნობით, სტიქიის გამო რამდენიმე ოლქში საგანგებო მდგომარეობაა გამოცხადებული.

სონომას შერიფის განცხადებით, 155 ადამიანი დაკარგულად ითვლება.

როგორც BBC წერს, 91 ათასზე მეტი ობიექტი ელექტროენერგიის გარეშეა დარჩენილი.

აღსანიშნავია, რომ განსხვავებულ მონაცემებს Los Angeles Times ავრცელებს. მედიის ინფორმაციით, სტიქიას 17 ადამიანი ემსხვერპლა, ხოლო 2000 ობიექტი განადგურდა. ასევე, აღნიშნული მედიის მონაცემებით, დაკარგულად 200 ადამიანი ითვლება.

შეგახსენებთ, რომ ხანძარი კალიფორნიის შტატში კვირას გაჩნდა. წინასწარი ცნობით, ხანძრის გაჩენის მიზეზი სიცხეა. სპეციალისტების თქმით, რეგიონში დიდი ხნის განმავლობაში არ უწვიმია.

ავტორი: ,

სოციალური ქსელები

კობახიძე: ზვიად ხარაზიშვილს ეკუთვნოდა ღირსების ორდენი, დაგვიცვა გადატრიალების მცდელობისგან

კობახიძე: დახვეწილი ხელწერაა, როცა ხელისუფლებას აქვს ჯანსაღი რეაქცია სამართალდარღვევაზე

ევროკავშირი უკრაინას თითქმის 2.8 მილიარდ ევროს გამოუყოფს

შს მინისტრის მოადგილე გორში პოლიციელების მხრიდან მოქალაქის ცემას სამწუხარო ფაქტს უწოდებს