„ევროპული საქართველოს“ წევრმა სერგო რატიანმა პარლამენტის საშემოდგომო პლენარული სესიის დაგვიანებით დაწყებასთან დაკავშირებით უკმაყოფილება გამოთქვა.

როგორც პოლიტიკოსმა აღნიშნა, მსგავსი ტიპის დაგვიანებები სისტემატიურია.

"დღეს მაგალითად 2 საათი ვერ შეიკრიბა პარლამენტი და ეს არ ხდება პირველად. მთელი წლის განმავლობაში თქვენ გიჭირთ აქ შეკრება და იგვიანებთ როგორც წესი. უმრავლესობის წევრებიც არიან უკმაყოფილოები. ტიპიური საბჭოთა კავშირის სინდრომია, როდესაც რაღაცა მავნებლობას ეხება ძალიან სწრაფად კეთდება საქმე და როდესაც მართლა საქმე არის გასაკეთებელი, ისეთი როგორც მაგალითად ელემენტარული - შევიკრიბოთ და უმრავლესობას ეკისრება ვალდებულება შეკრიბოს ქვორუმი, ამაზე რა საკვირველია ვაგვიანებთ", - მიმართა დეპუტატმა საპარლამენტო უმრავლესობას.

ცნობისთვის, პარლამენტის საშემოდგომო პლენარული სესია დღეს 12:00 საათზე უნდა დაწყებულიყო, თუმცა სესია 2-საათიანი დაგვიანებით გაიხსნა.

ავტორი: ,

სოციალური ქსელები

შს მინისტრის მოადგილე გორში პოლიციელების მხრიდან მოქალაქის ცემას სამწუხარო ფაქტს უწოდებს

ლავროვი საქართველოსა და მოლდოვიდან რუსული ჯარების გაყვანაზე კალასის განცხადებაზე: იდიოტურ განცხადებებს არ განვიხილავ

კალასი: ევროკავშირის უსაფრთხოების ინტერესებში საქართველოდან რუსული ჯარების გაყვანაც შედის

რუსეთი სომხეთიდან ხილისა და ბოსტნეულის იმპორტს ზღუდავს