2015-04-28 09:22:37, 499 ნახვა

---

მარგველაშვილი: თუ თავისუფლებას აღვიქვამთ ოპოზიციურობად, დემოკრატიული საზოგადოების მშენებლობა გაგვიჭირდება

„თუ ჩვენ თავისუფლებას აღვიქვამთ ოპოზიციურობად, გაგვიჭირდება ასე დემოკრატიული საზოგადოების მშენებლობა“, - ამის შესახებ საქართველოს პრეზიდენტმა გიორგი მარგველაშვილმა „მაესტროს ცხრიანში“ განაცხადა.

მისი თქმით, არასწორი ფორმულირებაა, რომ პრეზიდენტი მთავრობის ოპოზიციაშია.

„არ შეიძლება თავისუფალი პოზიცია აღიქვა როგორც ოპოზიცია. მე ვცდილობ ძალიან ბევრ თემაზე ვიყო გაერთიანებული მთელ საზოგადოებასთან, მაგრამ ამოსავალი არის ის, რომ არამარტო პრეზიდენტი, მაღალი თანამდებობის პირიც და რაც მთავარია თავისუფალი მოქალაქეები უნდა იყვნენ თავისუფალი, ამაზე შენდება დემოკრატია. თუ ჩვენ თავისუფლებას აღვიქვამთ ოპოზიციონერობად, გაგვიჭირდება ასე დემოკრატიული საზოგადოების მშენებლობა“,-განაცხადა პრეზიდენტმა „მაესტროს ცხრიანში“

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი