შინაგან საქმეთა მინისტრ ალექსანდრე ჭიკაიძის ინიციატივით დაწყებულ საქველმოქმედო აქციას სპეციალური და საგანგებო ღონისძიებების ცენტრის ყველა სტრუქტურული დანაყოფი შეუერთდა.

ქარელის რაიონში მცხოვრებ, სიღარიბის ზღვარს მიღმა მყოფ ოჯახებს მინისტრის მოადგილე თეიმურაზ მღებრიშვილი, სპეციალური და საგანგებო ღონისძიებების ცენტრის ადმინისტრაციის უფროსი იაკობ გეგეშიძე, განსაკუთრებულ დავალებათა დეპარტამენტის დირექტორი ზაზა ფანცულაია, სტრატეგიული ობიექტების დაცვის დეპარტამენტის დირექტორი გიორგი ხადური, სტრატეგიული მილსადენების დაცვის დეპარტამენტის დირექტორი ზურაბ ჭაბაშვილი ცენტრის თანამშრომლებთან ერთად ეწვივნენ.

სპეციალური და საგანგებო ღონისძიებების ცენტრის წარმომადგენლები კასპში და ქარელის რაიონში, ოკუპაციის ხაზის მიმდებარე სოფლებში – თამარაშენში, კნოლევში, აბანოში, ცერონისში, კოდაში, ჭვრინისში, ავლევში, ატოცში მცხოვრებ 73 ოჯახს ეწვივნენ და საკვები პროდუქტები გადასცეს. საქველმოქმედო აქციის ფარგლებში, სპეციალური და საგანგებო ღონისძიებების ცენტრის ადმინისტრაციის თანამშრომლებმა, შიდა ქართლის სამხარეო მთავარი სამმართველოს თანამშრომლებთან ერთად, სოფლებში: თამარაშენი, აბანო, კოდა და ცერონისი, დამატებით კიდევ 18 ოჯახს გაუწიეს დახმარება.

შს სამინისტრო საქველმოქმედო აქციას აგრძელებს და საქართველოს რამდენიმე რეგიონში, მაღალმთიან რაიონებში მაცხოვრებელ, მრავალშვილიან და სიღარიბის ზღვარს მიღმა მყოფ ოჯახებს მოიცავს. აქციის მიზანია ზამთრის პერიოდში აღნიშნული ოჯახების მძიმე სოციალურ-ეკონომიკური პირობების გაუმჯობესება. სამინისტრო სულ 1000-მდე ოჯახს დაეხმარება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„გახარია საქართველოსთვის“ მოსკოვსა და ცხინვალს შორის „შეთანხმების“ წინააღმდეგ რეზოლუციის ინიციატივით გამოდის

თითქოს სიღარიბის შემცირების გამო, რეჟიმი სოციალური დახმარებას გადახედავს, დავალება უწყებებმა უკვე მიიღეს

პროკურატურამ ჩოხატაურში მომხდარ მკვლელობაზე ერთ პირს ბრალი წაუყენა

კობახიძე სინდისის პატიმრებზე - სადაც იქნება აღიარება და სინანული, იქ შესაბამისი ნაბიჯები გადაიდგმება