საფრანგეთის პრეზიდენტობის კანდიდატების დებატების ერთ-ერთი მთავარი საკითხი საფრანგეთის ურთიერთობა ევროკავშირთან იყო, - ამის შესახებ BBC იუწყება.

მედია საშუალების ინფორმაციით, "ნაციონალური ფრონტის" წევრს მარინ ლე პენს და მოძრაობა "წინ" ლიდერს, ემანულ მაკრონს აღნიშნულ საკითხზე განსხვავებულ პოზიციებს აფიქსირებდნენ. 

მარინ ლე პენი მიიჩნევს, რომ ევროკავშირის დატოვებაზე ან დარჩენაზე საფრანგეთში რეფერენდუმი უნდა ჩატარდეს. გარდა ამისა, ის თვლის, რომ სრული სასაზღვრო კონტროლი უნდა აღდგეს. ლე პენის თქმით, ევროპას სურს ფულის მიმოქცევას, საზღვრებსა და სავაჭრო შეთანხმებებს  სრულად აკონტროლებდეს. 

„მე ევროპელი ვარ და მინდა ევროპა გადავარჩინო. მსურს, ევროკავშირს ევროპა ხელიდან გამოვგლიჯო, ვინაიდან ევროკავშირი მას ღუპავს“, - განაცხადა ლე პენმა.

განსხვავებული აზრი აქვს ცენტრისტს და ლიბერალს, ემანუელ მაკრონის. ის ფიქრობს, რომ უნდა მოხდეს ევროკავშირის რეფორმირება და ხელი უნდა შეეწყოს თავისუფალ სავაჭრო მოლაპარაკებებს. 

შეგახსენებთ, რომ საფრანგეთის საპრეზიდენტო არჩევნების მეორე ტური 7 მაისს გაიმართება. ერთმანეთს ევროპული კურსის მხარდამჭერი ემანუელ მაკრონი და ევროკავშირიდან გასვლის მომხრე მარინ ლე პენი დაუპირისპირდებიან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

“ქეშბექობანა” - ლიბერთის ლოიალობის პროგრამა Cashback-ის და VISA-ს განსაკუთრებული შეთავაზებები ბავშვებისთვის

ბრიტანული დაზვერვა: უკრაინაში ომში თითქმის ნახევარი მილიონი რუსი ჯარისკაცი დაიღუპა

აშშ-ის სახელმწიფო დეპარტამენტის დელეგაციასთან კოალიცია ცვლილებისთვის ლიდერებმა შეხვედრა გამართეს

1 ივნისის შეთავაზებები მოსწავლეებისთვის საქართველოს ბანკის sCoolApp-ში