სტოკჰოლმის თავდასხმა - სატვირთო ავტომობილში საეჭვო მოწყობილობა იპოვეს

2017-04-08 18:01:21, 2763 ნახვა

მსოფლიო

შვედმა სამართალდამცველებმა სატვირთო ავტომობილში, რომელიც გუშინ სტოკჰოლმში ხალხში შევარდა, საეჭვო მოწყობილობა აღმოაჩინეს, - ამის შესახებ BBC იუწყება.

მედია საშუალების ინფორმაციით, მოწყობილობა სატვირთო მანქანაში მძღოლის სავარძელთან იყო შენახული.

ადგილობრივი პოლიციის კომისარის დენ ელიასონის განცხადებით, სავარაუდო ტერაქტში ეჭვმიტანილი 39 წლის მამაკაცია, უზბეკეთიდან. მისივე ინფორმაციით, სამართალდამცავი ორგანოები მის შესახებ ინფორმაციას აქამდეც ფლობდნენ.

შეგახსენებთ, რომ გუშინ სტოკჰოლმის ერთ-ერთ ცენტრალურ ქუჩაზე სატვირთო ავტომობილი ხალხში შევარდა, რის შედეგადაც დადასტურებული ინფორმაციით 4 ადამიანი დაიღუპა, 10-ზე მეტი კი დაშავდა. ქვეყნის პრემიერ-მინისტრმა მომხდარს ტერაქტი უწოდა. მომხდარზე პასუხისმგებლობა ჯერჯერობით არცერთ ტერორისტულ დაჯგუფებას არ აუღია.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან