"ჩვენ ყოველ დღე უნდა ვაკაკუნოთ ნატოს კარზე იმისათვის, რომ რაც შეიძლება მალე გავხდეთ ალიანსის წევრები", - ასე შეაფასა ნატოს გენერალური მდივნის ანგარიში ფრაქცია „მოძრაობა თავისუფლებისთვის - ევროპული საქართველოს“ წევრმა გიორგი ტუღუშმა.

როგორც ტუღუშმა ჟურნალისტებს განუცხადა, მისასალმებელია, რომ ნატოს გენერალური მდივანი საქართველოს პოზიტიურ კონტექსტში იხსენიებს.

 მისივე შეფასებით, ხელისუფლება აღნიშნული მიმართულებით, უფრო პროაქტიური უნდა იყოს.

"ძალიან მნიშვნელოვანია, როდესაც ნატოს გენერალური მდივანი პოზიტიურ კონტექსტში იხსენიებს ქვეყანას, როგორც ნატოს ერთ-ერთ მნიშვნელოვან პარტნიორ სახელმწიფოს. თუმცა, ჩვენთვის ძალიან მნიშვნელოვანია, რომ ამ მიმართულებით ხელისუფლება იყოს უფრო პროაქტიური და ყველა შესაძლო ნაბიჯი გადადგას იმისთვის, რომ ევროატლანტიკურ სტრუქტურებში  საქართველოს ინტეგრაცია დაჩქარდეს. ცხადია, არსებობს სიძნელეები, მაგრამ ბოლო დროს, გვქონდა არაერთი შემთხვევა, როდესაც ვაკვირდებოდით შემდეგ მოვლენებს, მაგალითად თავდაცვის მინისტრი ამბობდა, რომ ალბათ არ დაესწრება მინისტერიალს. იყო შემთხვევები, როცა ხელისუფლება ცდილობდა რაღაც ფორმატს შეგნებულად გამოთიშვოდა. ჩვენ ყოველდღე უნდა ვაკაკუნოთ, ნატოს კარზე იმისთვის, რომ რაც შეიძლება მალე გავხდეთ ალიანსის წევრები", - განაცხადა ტუღუშმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პოლიციელების მიერ ნაცემმა პაპუნა ლოცულაშვილმა წინასწარი მოთავსების იზოლატორი დატოვა

ადვოკატის ცნობით, დააკავეს მოქალაქე, რომელზეც გორში პოლიციელებმა იძალადეს

ალიანსი: გორში მომხდარი ქართული ოცნების ძალადობრივი სისტემის მორიგი სასტიკი დანაშაულია

ვოლოდიმირ ზელენსკიმ საჰაერო თავდაცვის სისტემების დეფიციტის შესახებ დონალდ ტრამპს წერილი გაუგზავნა