2016-12-09 13:42:42, 2572 ნახვა

---

ქუმსიშვილი: ევროპის საინვესტიციო ბანკის მომავალი გეგმები მთავრობის 4-პუნქტიანი გეგმის დიდი მხარდაჭერაა

„ევროპის საინვესტიციო ბანკის საქმიანობა და მომავალი გეგმები ძალიან დიდი მხარდაჭერაა საქართველოს პრემიერ-მინისტრის, გიორგი კვირიკაშვილის მიერ ინიცირებული რეფორმების 4-პუნქტიანი გეგმის, განსაკუთრებით ინფრასტრუქტურის დაჩქარების და მეწარმეობის მხარდაჭერის კუთხით“, - განაცხადა პირველმა ვიცე-პრემიერმა, ფინანსთა მინისტრმა დიმიტრი ქუმსიშვილმა ევროპის საინვესტიციო ბანკთან სამი მნიშვნელოვანი საფინანსო ხელშეკრულების ხელმოწერის შემდეგ.

ხელმოწერა სახელმწიფო კანცელარიაში გაიმართა და მას პრემიერ-მინისტრი გიორგი კვირიკაშვილი და ევროკავშირის ელჩი საქართველოში იანოშ ჰერმანი დაესწრნენ.

დიმიტრი ქუმსიშვილის განცხადებით, ქვეყნის განვითარებისათვის ინფრასტრუქტურაში ინვესტიციების დაჩქარებას უდიდესი მნიშვნელობა აქვს.

„დღეს ხელმოწერილი ხელშეკრულებების ფარგლებში განსახორციელებელი პროექტები იქნება ამის კიდევ ერთი მასტიმულირებელი ფაქტორი“, - განაცხადა პირველმა ვიცე-პრემიერმა.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი