კულტურის მინისტრი აპირებს, "ინტერნეიშენალ ივენთსს" მის საკუთრებაში არსებულ ბინაში რეგისტრაცია გაუუქმოს

2016-12-09 13:25:33, 1746 ნახვა

კომენტარი

საქართველოს კულტურისა და ძეგლთა დაცვის მინისტრის მიხეილ გიორგაძე ახალგაზრდა იურისტთა ასოციაციის მიერ გავრცელებულ ინფორმაციას პასუხობს, რომლის მიხედვითაც მინისტრის მისამართზე რეგისტრირებულ კომპანიას სახელმწიფოს მიმართ ვალი აქვს.

"ეს ბინა ახლა ჩემ საკუთრებაშია, მაგრამ იმდენად, ძალიან ჩვეულებრივი ადამიანური მომენტია, წარმოიდგინეთ 2005-ში აბსოლუტურად ფორმალური საკითხი, როდესაც იურიდიული მისამართი განესაზღვრა კომპანიას ბინაზე და ამ ბინაში როდესაც 10 წელზე მეტია არ ცხოვრობ, ინიშნები თანამდებობაზე, ნუ ნამდვილად არ გახსენებია არავის ფორმალური საკითხი. კიდევ ერთხელ ვამბობ არ ვარ დარწმუნებული, რომ ეს რაიმე დარღვევას წარმოადგენს დღესაც, თუმცა ამ ხარვეზსაც აუცილებლად გავასწორებ, გავაუქმებ იმ რეგისტრაციას,“ - განუცხადა გიორგაძემ „რუსთავი2“-ს.

ცნობისთვის, საია-ს მიერ გავრცელებული ინფორმაციის თანახმად, კულტურის მინისტრის მისამართზე რეგისტრირებულ კომპანია "ინტერნეიშენალ ივენთსს" სახელმწიფოს მიმართ მილიონ ლარზე მეტი ვალი აქვს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან